உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

நாட்டுப்படகில் இலங்கைக்கு கடத்த விருந்த 91 லட்சம் ரூபா மதிப்பிலான 7 லட்சம் வெளிநாட்டு சிகரெட் பறிமுதல்!

இந்திய செய்திகள் 7 மாதங்கள் முன்
84 பார்வைகள்

ராமநாதபுரம் மாவட்டம் புதுமடம் கடற்கரை வழியாக இலங்கைக்குக் கடத்த முயன்ற 91 லட்சம் ரூபாய் மதிப்பிலான வெளிநாட்டுச் சிகரெட்டுகளை மெரைன் பொலிஸார் அதிரடியாகப் பறிமுதல் செய்துள்ளனர்.
ராமநாதபுரம் மாவட்டம் புதுமடம் கடற்கரை வழியாக இலங்கைக்கு நாட்டுப் படகுகள் மூலம் சட்டவிரோதப் பொருட்கள் கடத்தப்படவுள்ளதாக மெரைன் பொலிஸார் மற்றும் கீழக்கரை சுங்கத்துறை அதிகாரிகளுக்கு ரகசியத் தகவல் கிடைத்தது.

இதனடிப்படையில், இன்று அதிகாலை ஒரு மணி அளவில் அதிகாரிகள் அந்தப் பகுதியில் தீவிர ரோந்துப் பணியில் ஈடுபட்டனர்.புதுமடம் கடற்கரையில் சரக்கு வாகனம் ஒன்றிலிருந்து சில நபர்கள் மூட்டைகளை இறக்கிப் பதுக்கி வைத்திருப்பதை அதிகாரிகள் அவதானித்தனர்.

அதிகாரிகளைக் கண்டதும் கடத்தல்காரர்களில் சிலர் தப்பியோடிய நிலையில், மெரைன் பொலிஸார் ஒருவரை மடக்கிப் பிடித்தனர்.அங்கு வைக்கப்பட்டிருந்த 35 சாக்கு மூட்டைகளைச் சோதனை செய்தபோது, அவற்றில் 7 லட்சம் வெளிநாட்டுச் சிகரெட்டுகள் இருப்பது கண்டறியப்பட்டது.

7 லட்சம் வெளிநாட்டுச் சிகரெட்டுகள், சுமார் 91 லட்சம் ரூபாய், கடத்தலுக்குப் பயன்படுத்தப்பட்ட ஒரு சரக்கு வாகனம் என்பன பறிமுதல் செய்யப்பட்டன.இந்தக் கடத்தல் சம்பவம் தொடர்பாகப் புதுமடம் மேற்குத் தெருவைச் சேர்ந்த முருகன் 38 வயது உடையவர் கைது செய்யப்பட்டுள்ளார்.

விசாரணையில், இந்தச் சிகரெட்டுகளை இன்று அதிகாலை கடல் வழியாக இலங்கைக்குக் கடத்தத் திட்டமிட்டிருந்தது உறுதியானது.

பறிமுதல் செய்யப்பட்ட பொருட்கள் அனைத்தும் சுங்கத்துறை அதிகாரிகளிடம் ஒப்படைக்கப்பட்டுள்ளன.கைது செய்யப்பட்ட நபரை நீதிமன்றத்தில் ஆஜர்படுத்திச் சிறையில் அடைப்பதற்கான நடவடிக்கைகளை மெரைன் பொலிஸார் மேற்கொண்டு வருகின்றனர்.தப்பியோடிய ஏனைய நபர்களைத் தேடும் பணியும் தீவிரப்படுத்தப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இந்திய செய்திகள்

பெற்ற உரிமைகளை காப்போம்; மறுக்கப்படும் உரிமைகளை வெல்வோம் : மு.க.ஸ்டாலின் பதிவு

பெற்ற உரிமைகளை காப்போம்; மறுக்கப்படும் உரிமைகளை வெல்வோம் என திமுக தலைவர் மு.க.ஸ்டாலின் கூறியுள்ளார். திமுக தலைவர் மு.க.ஸ்டாலின் எக்ஸ் தளத்தில் வெளியிட்ட பதிவில், நீதிக்கட்சி பிறந்தது…

145 0 0
இந்திய செய்திகள்

மறைந்த எம்.எல்.ஏ விஎஸ் பாபுவின் இல்லத்திற்கு நேரில் சென்று தமிழக முதலமைச்சர் அஞ்சலி!

உடல்நலக்குறைவால் காலமான கொளத்தூர் தொகுதி சட்டமன்ற உறுப்பினர் வி.எஸ்.பாபுவின் இல்லத்திற்கு நேரில் சென்று தமிழக முதலமைச்சர் விஜய் நேற்று (19) இரவு மலர்மாலை வைத்து அஞ்சலி செலுத்தியுள்ளார்.…

132 0 0
இந்திய செய்திகள்

‘ஈடுசெய்ய முடியாத பேரிழப்பு’ – வி.எஸ். பாபு மறைவுக்கு விஜய் உருக்கம்!

கொளத்தூர் தொகுதி தமிழக வெற்றிக் கழகத்தின் (தவெக) சட்டமன்ற உறுப்பினர் வி.எஸ். பாபுவின் மறைவுக்கு தமிழக முதலமைச்சர் விஜய் ஆழ்ந்த இரங்கல் தெரிவித்துள்ளார். இது தொடர்பாக தனது…

152 0 0
இந்திய செய்திகள்

தமிழக சட்டமன்ற உறுப்பினர் வி.எஸ். பாபு காலமானார்!

தமிழக வெற்றிக் கழகத்தின் (தவெக) கொளத்தூர் தொகுதி சட்டமன்ற உறுப்பினர் வி.எஸ். பாபு , உடல்நலக் குறைவால் சென்னையில் உள்ள தனியார் மருத்துவமனையில் இன்று பிற்பகல் காலமானார்.…

149 0 0