உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பிரித்தானிய இராணுவத்துடன் பணியாற்றிய ஆப்கான் வீரர் மீது பிரித்தானியர்கள் தாக்குதல்!

உலக செய்திகள் 7 மாதங்கள் முன்
76 பார்வைகள்

பிரித்தானிய இராணுவத்துடன் இணைந்து ஆப்கானிஸ்தானில் பணியாற்றிய விசேட அதிரடிப்படை வீரர் ஒருவர், லண்டனில் பாதுகாப்பு உத்தியோகத்தராகப் பணியாற்றியபோது கடந்த மார்ச் மாதம் தாக்கப்பட்டதில் பலத்த மூளைக் காயம் அடைந்துள்ளார்.

ஆப்கானிஸ்தான் விசேட அதிரடிப்படையின் முன்னாள் வீரரான 39 வயதுடைய நூர் அஜீஸ் அகமத்சாய் (Noor Aziz Ahmadzai), கடந்த மாதம் வேமவுத் (Weymouth) ரயில் நிலையத்தில் பாதுகாப்பு உத்தியோகத்தராகப் பணியில் இருந்தபோது தாக்குதலுக்கு உள்ளானார்.

இத்தாக்குதலில் அவரது மூளையில் கடும் இரத்தக் கசிவு ஏற்பட்டு, அவர் மயக்கமடைந்த நிலையில் உலங்குவானூர்தி மூலம் மருத்துவமனைக்குக் கொண்டு செல்லப்பட்டார்.

தற்போது அவர் சுயநினைவிற்குத் திரும்பியுள்ள போதிலும், அவரது பேச்சு மற்றும் உடல் நிலையில் பாரிய பாதிப்புகள் ஏற்பட்டுள்ளதால் குணமடைய நீண்ட காலம் எடுக்கும் என மருத்துவர்கள் தெரிவித்துள்ளனர்.

இதேவேளை, இவர் 2021-ல் தாலிபான்கள் ஆப்கானைக் கைப்பற்றியபோது, பிரித்தானிய இராணுவத்திற்கு அவர் வழங்கிய ஒத்துழைப்பிற்காக ‘ஆப்கான் இடமாற்றம் மற்றும் உதவி கொள்கையின்’ (ARAP) கீழ் பிரித்தானியாவிற்கு அழைத்து வரப்பட்டார்.

பிரித்தானிய இராணுவத்தில் சேர்ந்து பணியாற்ற வேண்டும் என்பதே நூரின் விருப்பமாக இருந்தது.

ஆனால், அவர் பிரித்தானியப் பிரஜையாக மாறுவதற்கு இன்னும் 5 ஆண்டுகள் அங்கேயே வசிக்க வேண்டும் என்ற விதியின் காரணமாக அவருக்கு அந்த வாய்ப்பு கிடைக்கவில்லை.

இந்தத் தாக்குதல் தொடர்பாக 17 வயதுடைய இரண்டு சிறுமிகளைப் பிரித்தானிய போக்குவரத்துப் பொலிஸார் (BTP) கைது செய்து, பின்னர் மேலதிக விசாரணைகளுக்காகப் பிணையில் விடுவித்துள்ளனர்.

பிரித்தானியாவிற்காகத் தனது உயிரைப் பணையம் வைத்துப் போரிட்ட ஒரு வீரர், இன்று அந்த நாட்டிலேயே தாக்குதலுக்கு உள்ளாகி, உரிய அங்கீகாரமும் உதவியும் இன்றி மருத்துவமனையில் போராடி வருவது பலரிடையே அதிருப்தியை ஏற்படுத்தியுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0