உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஆங்கிலக் கால்வாய் விபத்தில் நால்வர் உயிரிழப்பு : சம்பவம் தொடர்பில் சூடான் நாட்டு இளைஞர் பிரித்தானியாவில் கைது!

உலக செய்திகள் 7 மாதங்கள் முன்
64 பார்வைகள்

ஆங்கிலக் கால்வாயைக் (English Channel) கடந்து பிரித்தானியாவிற்குள் நுழைய முயன்றபோது, படகு விபத்துக்குள்ளாகி நான்கு பேர் உயிரிழந்த சம்பவம் தொடர்பில் 27 வயதுடைய சூடான் நாட்டுப் பிரஜை ஒருவர் கைது செய்யப்பட்டுள்ளார்.

பிரான்ஸின் கலே (Calais) பகுதிக்கு அருகிலுள்ள செயின்ட் எட்டியென் ஓ மாண்ட் (Saint-Étienne-au-Mont) கடற்பரப்பில், கடந்த வியாழக்கிழமை சிறிய படகு ஒன்றின் மூலம் புகலிடக்கோரிக்கையாளர்கள் பிரித்தானியாவிற்குப் புறப்பட முயன்றனர்.

இதன்போது ஏற்பட்ட விபத்தில் இரண்டு ஆண்கள் மற்றும் இரண்டு பெண்கள் என நான்கு பேர் உயிரிழந்தனர்.

இவர்களின் விபரங்கள் இன்னும் அதிகாரப்பூர்வமாக வெளியிடப்படவில்லை.

இந்தச் சம்பவத்தில் உயிருக்குப் பாதிப்பை ஏற்படுத்தும் வகையில் செயற்பட்டதாகக் கூறி, 27 வயதுடைய சூடான் நாட்டைச் சேர்ந்த ஒருவரை பிரித்தானிய தேசிய குற்றவியல் முகவர் அமைப்பு (NCA) கைது செய்துள்ளது.

கென்ட் (Kent) பகுதியில் உள்ள மேன்ஸ்டன் அகதிகள் முகாமில் வைத்து அவர் கைது செய்யப்பட்டார்.

அவரிடம் தற்போது தீவிர விசாரணை முன்னெடுக்கப்பட்டு வருகின்றது.

விபத்தின் போது 38 பேர் பிரான்ஸ் கடற்கரைக்குத் திருப்பி அனுப்பப்பட்டனர்.

எனினும், ஏனைய 74 பேர் ஆபத்தான பயணத்தைத் தொடர்ந்து பிரித்தானியக் கடற்கரையை வந்தடைந்துள்ளனர்.

இந்த ஆண்டு ஆங்கிலக் கால்வாய் ஊடாகப் பயணிக்க முயன்றவர்களில் இதுவரை 6 உயிரிழப்புகள் பதிவாகியுள்ளன.

இதேவேளை, 2026 ஆம் ஆண்டு ஜனவரி 1 முதல் ஏப்ரல் 8 வரை மொத்தம் 5,062 பேர் படகுகள் மூலம் பிரித்தானியாவிற்கு வந்துள்ளனர்.

இது கடந்த 2025 ஆம் ஆண்டு இதே காலப்பகுதியுடன் ஒப்பிடுகையில் 30 சதவீதம் குறைவானது என்பது குறிப்பிடத்தக்கது.

இந்தச் சம்பவம் குறித்துக் கருத்துத் தெரிவித்த குடியேற்றத்துறை அமைச்சர் மைக் டாப், ஆட்கடத்தல் கும்பல்களின் நடவடிக்கைகளை முறியடிக்கப் புதிய எல்லைப் பாதுகாப்புச் சட்டத்தின் (Border Security Act) கீழ் அதிகாரிகளுக்குக் கூடுதல் அதிகாரம் வழங்கப்பட்டுள்ளதாக குறிப்பிட்டார்.

இந்நிலையில் பிரான்ஸ் மற்றும் பிரித்தானியப் பொலிஸார் இணைந்து இந்த விபத்து மற்றும் ஆட்கடத்தல் தொடர்பிலான மேலதிக விசாரணைகளை முன்னெடுத்து வருகின்றனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0