உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

இங்கிலாந்தை வந்தடைந்தார் காசா மீதான இஸ்ரேலிய தாக்குதலில் கையை இழந்த பாலஸ்தீனிய சிறுமி!

உலக செய்திகள் 8 மாதங்கள் முன்
118 பார்வைகள்

காசா மீதான இஸ்ரேலின் குண்டுவீச்சு தாக்குதலில் தனது இடது கையை இழந்த பாலஸ்தீனிய சிறுமி ஒருவர் விசேட சிகிச்சைக்காக ஏப்ரல் 07 ஆம் திகதி நேற்றைய தினம் இங்கிலாந்தை வந்தடைந்துள்ளார்.


அதன்படி, மரியம் சப்பா எனும் குறித்த சிறுமி அவரது தாயார் பாத்திமா சல்மான் மற்றும் இரண்டு சகோதரர்களுடன் லண்டன் ஹீத்ரோ விமான நிலையத்தை நேற்று மாலை வந்தடைந்தார்.

விமான நிலையத்தை அவர்கள் வந்தடைந்த போது, பரிசுகள், பலூன்கள் மற்றும் பூங்கொத்துகளை ஏந்திய ஒரு சிறிய கூட்டம் அவர்களை அன்புடன் வரவேற்றது.

மரியம் சப்பாவின் சிகிச்சைக்காக அவரது குடும்பம் முன்னதாக அமெரிக்கா செல்ல திட்டமிட்டிருந்தது.

ஆனால், கடந்த ஆண்டு ஆகஸ்ட் மாதம் ட்ரம்ப் நிர்வாகம் அனைத்து பாலஸ்தீனியர்களுக்குமான வருகையாளர் விசாக்களை நிறுத்தியதிலிருந்து, அவர்கள் எகிப்தில் நிச்சயமற்ற நிலையில் சிக்கியிருந்தனர்.

இந்த நிலையில், காசாவில் இருந்து காயமடைந்த மற்றும் படுகாயமடைந்த சிறுவர்களை வெளியேற்றுவதற்கான முயற்சிகளைத் தீவிரப்படுத்த வேண்டும் என பிரிட்டிஷ் அரசாங்கத்திற்குத் தொடர்ச்சியான அழுத்தம் கொடுக்கப்பட்டு வரும் வேளையில் இந்த வருகை அமைந்துள்ளது.

காசாவில் டெய்ர் அல்-பாலாவில் (Deir al-Balah) உள்ள ஒரு குடும்பத்தின் வீட்டை ஏவுகணை தாக்கியதில் கை துண்டிக்கப்பட்ட 10 வயது மரியம், காசாவிலிருந்து வெளியேற்றப்பட்ட 11,000-க்கும் மேற்பட்ட நோயாளிகளில் ஒருவர் என உலக சுகாதார ஸ்தாபனம் (WHO) தெரிவித்துள்ளது.

காசாவில் இல்லாத அவசர சிகிச்சை தேவைப்படும் 18,500 நோயாளிகள் இருப்பதாக அந்த சுகாதார நிறுவனம் மதிப்பிட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0