உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பிரித்தானிய சுகாதாரத் துறையில் உச்சகட்ட பதற்றம்: 48 மணி நேரக்கெடு விதித்தார் பிரதமர் ஸ்டார்மர்!

உலக செய்திகள் 8 மாதங்கள் முன்
124 பார்வைகள்

அடுத்த 48 மணி நேரத்திற்குள் வேலைநிறுத்தப் போராட்டங்கள் கைவிடப்படாவிட்டால், மருத்துவர்களுக்காக முன்வைக்கப்பட்ட சலுகைகள் அனைத்தும் ரத்து செய்யப்படும் என பிரதமர் சர் கெய்ர் ஸ்டார்மர்அறிவித்துள்ளார்.

இதில் ஆயிரக்கணக்கான புதிய வேலைவாய்ப்புகள், கூடுதல் பயிற்சி இடங்கள் மற்றும் ஊதிய சீர்திருத்தங்கள் குறித்த திட்டங்கள் அடங்கும். இந்தச் சலுகைகளைத் திரும்பப் பெற்றால், அது மருத்துவத் துறையில் நீண்டகாலப் பாதிப்புகளை ஏற்படுத்தும் என அஞ்சப்படுகிறது.

பிரிட்டிஷ் மருத்துவ சங்கத்தின் பயிற்சி மருத்துவர்கள் குழு, அரசாங்கம் வழங்க முன்வந்துள்ள 3.5வீத ஊதிய உயர்வு, தற்போதைய வாழ்க்கைச் செலவு அதிகரிப்புக்கு ஈடுகொடுக்க போதுமானதாக இல்லை என வாதிடுகிறது. கடந்த காலங்களில் ஏற்பட்ட ஊதிய இழப்புகளை ஈடுகட்ட கணிசமான உயர்வு தேவை என்பதே அவர்களின் பிரதான கோரிக்கையாக உள்ளது.

இருப்பினும், பிரதமர் ஸ்டார்மர் இந்த வேலைநிறுத்தத்தை ‘அலட்சியமானது’ எனக் கடுமையாக விமர்சித்துள்ளார். அரசாங்கத்தின் தற்போதைய 3.5வீத முன்மொழிவு பணவீக்கத்தை விட அதிகமானது என்றும், இது நடைமுறைக்கு வந்தால் மூன்று ஆண்டுகளில் மருத்துவர்களின் மொத்த ஊதிய உயர்வு 35வீதம் ஆக உயரும் என்றும் அவர் சுட்டிக்காட்டியுள்ளார். ‘

இதேவேளை, எந்தவொரு உடன்பாடும் எட்டப்படாத சூழலில், திட்டமிட்டபடி ஏப்ரல் 7 ஆம் திகதி முதல் ஆறு நாட்களுக்கு நாடு தழுவிய ரீதியில் மருத்துவர்கள் வேலைநிறுத்தத்தில் ஈடுபடவுள்ளனர். இது ஏற்கனவே பணிச்சுமையால் திணறி வரும் NHS மருத்துவமனைகளில் ஆயிரக்கணக்கான அறுவை சிகிச்சைகள் மற்றும் மருத்துவ ஆலோசனைகள் ரத்து செய்யப்பட வழிவகுக்கும்.

அரசாங்கத்தின் இந்த 48 மணி நேரக் கெடு, மருத்துவ சங்கத்திற்கும் அரசாங்கத்திற்கும் இடையிலான மோதலை மேலும் தீவிரப்படுத்தியுள்ளது. இக்காலக்கெடு முடிவடைவதற்குள் பேச்சுவார்த்தையில் முன்னேற்றம் ஏற்படாவிட்டால், பிரித்தானிய சுகாதாரத் துறை ஒரு பாரிய நெருக்கடியைச் சந்திக்கும் என அஞ்சப்படுகிறது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0