இந்திய அணி டெஸ்ட் போட்டிகளில் களமிறங்கி 92 ஆண்டுகளில் முதன்முறையாக பிரம்மாண்ட சாதனை ஒன்றை செய்துள்ளது.
பங்களாதேஷ் அணிக்கு எதிரான முதல் டெஸ்ட் போட்டியில் இந்திய அணி 280 ஓட்டங்கள் வித்தியாசத்தில் வெற்றி பெற்றது. இது இந்திய அணியின் 179 டெஸ்ட் போட்டி வெற்றி ஆகும். இதன் மூலம் டெஸ்ட் போட்டிகளில் இந்திய அணி தோல்விகளை விட அதிக வெற்றிகளை பதிவு செய்துள்ளது. இதுவரை இந்திய அணி 580 டெஸ்ட் போட்டிகளில் விளையாடி உள்ளது. அதில் மொத்தம் 179 வெற்றிகளும், 178 தோல்விகளையும் சந்தித்துள்ளது.
222 போட்டிகளை சமன் செய்துள்ள இந்திய அணி, ஒரு போட்டியை மட்டும் டை செய்துள்ளது. 1932ல் இந்திய அணி முதன்முறையாக டெஸ்ட் போட்டிகளில் விளையாடத் தொடங்கியது. அப்போது முதல் பல ஆண்டுகளுக்கு இந்திய அணிக்கு அதிக அளவில் தோல்விகளே கிடைத்து வந்தன.
இந்திய அணியின் முதல் டெஸ்ட் வெற்றி என்பது 1952ல் பதிவானது. அந்த வெற்றி சென்னையில் கிடைத்தது. தற்போது 72 ஆண்டுகளுக்கு பின் இந்திய அணி தோல்விகளை விட அதிக வெற்றிகள் பெற்ற சாதனையும் அதே சென்னை மண்ணில் தான் நடந்துள்ளது.
