துப்பாக்கி மற்றும் தோட்டாக்களுடன் ஒருவர் கைது.!
பண்டாரகம பகுதியில் ரிவோல்வர் ரக துப்பாக்கி மற்றும் தோட்டாக்களுடன் சந்தேகநபர் ஒருவர் பொலிஸாரால் கைது செய்யப்பட்டுள்ளார்.
பண்டாரகம பொலிஸ் பிரிவுக்குட்பட்ட பாணந்துறை வலய குற்ற விசாரணைப் பிரிவுக்குக் கிடைக்கப்பெற்றிருந்த இரகசியத் தகவல் ஒன்றுக்கு அமைவாக விசேட சுற்றிவளைப்பு நடவடிக்கை ஒன்றை முன்னெடுத்து, பொலிஸார் மேற்படி சந்தேகநபரைக் கைது செய்திருந்தனர்.
இந்தக் கைது நடவடிக்கையின் போது சந்தேகநபரிடமிருந்து ரிவோல்வர் ரக துப்பாக்கி ஒன்றும், 2 தோட்டாக்களும் மீட்கப்பட்டுள்ளன.
38 வயதான பண்டாரகம பகுதியைச் சேர்ந்த நபர் ஒருவரே இவ்வாறு கைது செய்யப்பட்டுள்ளார்.
மேலும், சம்பவம் தொடர்பில் பண்டாரகம பொலிஸார் மேலதிக விசாரணைகளில் ஈடுபட்டு வருகின்றனர்.


