மும்பை இந்தியன்ஸ் அணியிலிருந்து பஞ்சாப் கிங்ஸ் அணிக்கு மாறியுள்ள இந்திய அணியின் நட்சத்திர சகலதுறை ஆட்டக்காரர் ஹர்திக் பாண்டியா, தனது இன்ஸ்டாகிராம் பக்கத்தில் வெளியிட்டுள்ள பதிவு கிரிக்கெட் வட்டாரத்தில் பெரும் பேசுபொருளாகியுள்ளது.
ஐபிஎல் தொடருக்கு முன்னதாக மும்பை இந்தியன்ஸ் மற்றும் பஞ்சாப் கிங்ஸ் அணிகளுக்கு இடையே நடைபெற்ற வீரர்கள் பரிமாற்றத்தின் மூலம் ஹர்திக் பாண்டியா பஞ்சாப் அணிக்கு மாறினார்.
இதே பரிமாற்றத்தில் வேகப்பந்து வீச்சாளர் அர்ஷ்தீப் சிங் மும்பை அணிக்குச் சென்றார். இதற்கான அதிகாரப்பூர்வ அறிவிப்பை ஐபிஎல் நிர்வாகம் வெளியிட்டுள்ளது.
இதன் மூலம் பஞ்சாப் அணியில் தலைவர் ஸ்ரேயாஸ் ஐயர் தலைமையிலும், தலைமைப் பயிற்றுவிப்பாளர் ரிக்கி பொண்டிங் வழிகாட்டுதலிலும் ஹர்திக் பாண்டியா இணைந்துள்ளார்.
பஞ்சாப் அணிக்கு மாறியது குறித்து தனது சமூக வலைதளப் பக்கத்தில் பதிவிட்டுள்ள அவர், எனது அணித்தலைவர் – ஸ்ரேயாஸ் ஐயர், எனது பயிற்றுவிப்பாளர் – ரிக்கி பொண்டிங், எனது அணி – ஒட்டுமொத்த பஞ்சாப். நான் உங்கள் பின்னால் நிற்கிறேன்” என குறிப்பிட்டுள்ளார்.
முதலில் மும்பை இந்தியன்ஸ் மற்றும் குஜராத் டைட்டன்ஸ் அணிகளுக்கு அணித்தலைவராகச் செயல்பட்டுள்ள ஹர்திக் பாண்டியா, தற்போது பஞ்சாப் கிங்ஸ் அணியில் தனது புதிய பயணத்தைத் தொடங்கியுள்
