எகிப்தில் பார ஊர்தி மீது சுற்றுலாப் பேருந்து மோதி கோர விபத்து : 13 பேர் ப@லி, 34 பேர் காயம்
எகிப்து தலைநகர் கெய்ரோவிற்கு அருகில் பார ஊர்தி மீது சுற்றுலாப் பேருந்து மோதிய கோர விபத்தில் 13 பேர் உயிரிழந்துள்ளதுடன், 34 பேர் காயமடைந்துள்ளனர்.
கெய்ரோ – அசியுட் மேற்குப் பாலைவன நெடுஞ்சாலையில் இந்த விபத்து நேர்ந்துள்ளதாக எகிப்து ஊடகங்கள் செய்தி வெளியிட்டுள்ளன.
அதிவேகமாக வந்த பேருந்து பார ஊர்தியின் மீது மோதியதில், பேருந்தின் முன் பகுதி முற்றிலுமாக நசுங்கிச் சேதமடைந்துள்ளதுடன், இருக்கைகளும் சிதறிக்கிடந்துள்ளன.
விபத்தில் காயமடைந்தவர்கள் உடனடியாக மீட்கப்பட்டு கிசா பகுதியில் உள்ள மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.
விபத்துக்கான காரணம் குறித்து காவல்துறையினர் தீவிர விசாரணை நடத்தி வருகின்றனர்.
எகிப்து நாட்டில் முறையற்ற வாகனப் பராமரிப்பு, கவனக்குறைவான வாகனம் ஓட்டுதல் மற்றும் கடுமையான சட்ட அமுலாக்கமின்மை காரணமாகத் தொடர்ச்சியாக சாலை விபத்துகள் அதிகரித்து வருவது குறிப்பிடத்தக்கது.
