ஸ்மிருதி மந்தனா, இந்திய மகளிர் கிரிக்கெட் அணியின் புதிய தலைவியாக நியமிக்கப்பட்டுள்ளார்.
ஹர்மன்ப்ரீத் கவுர் அனைத்து வடிவங்களிலும் தலைமை பதவியில் இருந்து விலகியதைத் தொடர்ந்து இந்த மாற்றம் ஏற்பட்டுள்ளது.
இந்திய கிரிக்கெட் கட்டுப்பாட்டு சபை (BCCI) மந்தனாவை அணியின் புதிய தலைமையாக அதிகாரப்பூர்வமாக அறிவித்துள்ளது.
ஸ்மிருதி மந்தனா, 2013ஆம் ஆண்டு முதல் இந்திய அணிக்காக விளையாடி வருகிறார்.
அவர் பல ஆண்டுகளாக இந்திய அணியின் துணைத் தலைவியாக செயல்பட்டு வந்துள்ளார்.
இதற்கு முன்பு இந்திய அணியை 18 T20I போட்டிகளிலும் 4 ODI போட்டிகளிலும் தலைவியாக வழிநடத்தியுள்ளார்.
உள்நாட்டு மற்றும் ஃபிரான்சைஸ் கிரிக்கெட்டிலும் அவரது தலைமைத்துவ திறமை வெளிப்பட்டுள்ளது.
குறிப்பாக, Royal Challengers Bengaluru (RCB) அணியை 2024 மற்றும் 2026ஆம் ஆண்டுகளில் Women’s Premier League (WPL) செம்பியன் பட்டத்திற்கு வழிநடத்தியுள்ளார்.
இந்த நிலையில், இந்திய அணியை வழிநடத்தும் பொறுப்பு தனக்கு கிடைத்திருப்பது மிகப்பெரிய கெளரவம் என மந்தனா தெரிவித்துள்ளார்.
இந்தியாவுக்காக விளையாடுவது எப்போதும் தனக்கு மிகவும் முக்கியமானதாக இருந்ததாகவும், தற்போது அணியை வழிநடத்தும் வாய்ப்பு கிடைத்திருப்பதை பெருமையாகக் கருதுவதாகவும் அவர் கூறியுள்ளார்.
மேலும், ஹர்மன்ப்ரீத் கவுர் அணித்தலைவியாக அணிக்கு வழங்கிய பங்களிப்பையும் மந்தனா பாராட்டியுள்ளார். அணியின் பயணத்தில் ஹர்மன்ப்ரீத் முக்கிய பங்காற்றியுள்ளதாக அவர் குறிப்பிட்டுள்ளார்.
