உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

“மக்களுக்குச் சுமையற்ற வலுசக்தி சந்தை உருவாக்கப்படும்” – ஜனாதிபதி

இலங்கை செய்திகள் 2 மாதங்கள் முன்
125 பார்வைகள்

வலுசக்தி சந்தையில் வலுவான அரச பங்கைப் பேணி, மக்களுக்குச் திறம்பட சேவையாற்றுவதே அரசாங்கத்தின் எதிர்பார்ப்பு என்றும் அதனை நிறைவேற்றுவதில் கடந்த இரண்டு ஆண்டுகளில் வெற்றிகரமான முன்னேற்றம் அடையப்பட்டுள்ளதாகவும் ஜனாதிபதி அநுர குமார திசாநாயக்க தெரிவித்தார். 

தற்பொழுது இலங்கையில் மக்களுக்கு சுமையாக இல்லாத, வலுவான வலுசக்திச் சந்தையொன்று கட்டியெழுப்பப்பட்டு வருவதாகவும் அவர் குறிப்பிட்டுள்ளார். 

இலங்கை பெட்ரோலியக் கூட்டுத்தாபனத்தின் ஜெட் A-1 குழாய் கட்டமைப்பு மற்றும் இலங்கை பெட்ரோலியக் கூட்டுத்தாபனம் (CPC), இலங்கை பெட்ரோலியக் சேமிப்பு முனைய நிறுவனம் (CPSTL) ஆகியவற்றிற்குரிய புதிய எண்ணெய் தாங்கி சேமிப்புத் தொகுதிகளின் நிர்மாணப் பணிகளை இன்று (2) முற்பகல் ஆரம்பித்து வைத்து உரையாற்றுகையிலேயே ஜனாதிபதி இதனை தெரிவித்தார். 

விமான எரிபொருள் விநியோகப் பாதுகாப்பை உறுதிப்படுத்தல், விநியோகச் செலவைக் குறைத்தல் மற்றும் எதிர்கால தேவைக்கான கொள்ளளவை அதிகரித்தல் ஆகியவற்றை இலக்காகக் கொண்டு முத்துராஜவெலவுக்கும் கட்டுநாயக்க சர்வதேச விமான நிலையத்துக்கும் இடையே 21 கிலோமீற்றர் நீளமான விசேட நிலத்தடி குழாய் கட்டமைப்பும் தாங்கித் தொகுதியும் நிர்மாணிக்கப்படுகின்றன. 

30 மாதங்களில் நிறைவடையும் இந்தத் திட்டத்தின்கீழ், 92,000 கனமீற்றர் மொத்த கொள்ளளவு கொண்ட ஐந்து புதிய ஜெட் ஏ-1 எரிபொருள் தாங்கிகள் அமைக்கப்படவுள்ளன. 

அத்துடன், பெட்ரோலியக் சேமிப்பு முனைய நிறுவனத்தால் முத்துராஜவெல முனையத்தில் 40,000 கன மீற்றர் மேலதிக சேமிப்புக் கொள்ளளவு கொண்ட 3 புதிய தாங்கிகளை அமைக்கும் பணிகளும் இன்று ஆரம்பிக்கப்பட்டன. 18 மாத ஒப்பந்தக் காலத்தைக் கொண்ட இந்த திட்டம் 2028 ஆம் ஆண்டு ஏப்ரல் மாதத்தில் நிறைவடையவுள்ளது. 

சர்வதேச தரநிலைகளுக்கு இணங்க மேற்கொள்ளப்படும் இந்த அபிவிருத்திகள், நாட்டின் எரிபொருள் கையிருப்புகளை வலுப்படுத்தவும், அதிகரித்து வரும் வலுசக்தி தேவைகளைத் தடையின்றிப் பூர்த்தி செய்யவும் பெரிதும் உதவும் என தெரிவிக்கப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

137 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

128 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

124 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

134 0 0