உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

திலீபனின் சிலையை உடனே மீள நிறுவு! : வடக்கு – கிழக்கில் வெடித்தது பெரும் கண்டனப் போராட்டம்!!

இலங்கை செய்திகள் 2 மாதங்கள் முன்
192 பார்வைகள்

யாழ்ப்பாணம், நல்லூரில் உள்ள தியாக தீபம் திலீபனின் நினைவாலயத்தில் அமைக்கப்பட்டிருந்த அவரது சிலையை வலுக்கட்டாயமாக அகற்றிய பொலிஸாரின் அடாவடித்தனத்தைக் கண்டித்தும், தமிழ் மக்களின் நினைவேந்தல் உரிமையை வலியுறுத்தியும் வடக்கு, கிழக்கு மாகாணங்களின் 8 மாவட்டங்களிலும் இன்று திங்கட்கிழமை மாபெரும் போராட்டங்கள் முன்னெடுக்கப்பட்டன.

வடக்கு – கிழக்கு வலிந்து காணாமல் ஆக்கப்பட்டோரின் உறவுகளின் சங்கத்தின் ஏற்பாட்டின் இந்தப் போராட்டங்கள் இடம்பெற்றன.

இதற்கமைய, யாழ்ப்பாணம் நல்லூரில் உள்ள தியாகி திலீபன் நினைவாலயம் முன்பாக இன்று பிற்பகல் மாபெரும் கண்டனப் போராட்டம் முன்னெடுக்கப்பட்டது. இதில் காணாமல் ஆக்கப்பட்டோரின் உறவினர்கள், அரசியல் கட்சிகளின் பிரதிநிதிகள், சிவில் அமைப்புகளின் பிரதிநிதிகள், பல்கலைக்கழக மாணவர்கள், முன்னாள் போராளிகள் மற்றும் பொதுமக்கள் எனப் பெருமளவிலானோர் கலந்துகொண்டனர்.

போராட்டத்தில் கலந்துகொண்டவர்கள் பல்வேறு கண்டன வாசகங்கள் எழுதப்பட்ட பதாகைகளைத் தாங்கியவாறு கோஷங்களை எழுப்பினர்.

குறிப்பாக, “தியாகி திலீபன் தமிழினத்தின் அடையாளம்”, “மக்கள் புரட்சி வெடிக்கட்டும் – பார்த்தீபன் கனவு பலிக்கட்டும்”, “இனப்படுகொலை புரிந்த இராணுவத்துக்குச் சிலை; தமிழினத்தின் தியாகிக்குச் சிலை இல்லையா?”, “தியாகி திலீபனின் சிலையை உடனே மீள நிறுவு”, “தலைமுறை கடந்தும் என்றும் வரலாறாய் வாழ்பவன் திலீபன்”, “அநுர அரசே, உன்னுடைய இரட்டை வேடம் அம்பலம்” உள்ளிட்ட பல கோஷங்களை எழுப்பி அவர்கள் தமது எதிர்ப்பைப் பதிவு செய்தனர்.

அநுரகுமார திஸாநாயக்க தலைமையிலான அரசின் இந்த நடவடிக்கைக்கு எதிராக வடக்கு, கிழக்கில் எழுந்துள்ள இந்த எதிர்ப்பலைகள் பெரும் பரபரப்பை ஏற்படுத்தியுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

149 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

138 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

132 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

140 0 0