உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஹோர்முஸ் நீரிணையை மீண்டும் திறப்பதற்கு ஈரானின் நிபந்தனைகள் நிறைவேற்றப்பட வேண்டும்!

உலக செய்திகள் 2 மாதங்கள் முன்
195 பார்வைகள்

அமெரிக்கா மற்றும் இஸ்ரேலுடனான மோதல்களுக்கு இராஜதந்திர பேச்சுவார்த்தை மூலமே தீர்வு காண முடியும் என ஈரான் மீண்டும் வலியுறுத்தியுள்ளது.

அமெரிக்க ஜனாதிபதி டொனால்ட் ட்ரம்ப், ஹோர்முஸ் நீரிணையை மீண்டும் திறப்பது மற்றும் மோதல்களை முடிவுக்குக் கொண்டுவருவது தொடர்பாக ஈரான் முன்வைத்திருந்த முன்மொழிவை நிராகரித்ததாகத் தெரிவித்துள்ள பின்னணியில், ஈரான் இந்த நிலைப்பாட்டை வெளியிட்டுள்ளது.

ஈரானிய வெளியுறவு அமைச்சர் அப்பாஸ் அராக்சி சமூக ஊடகப் பதிவொன்றில், ஹோர்முஸ் நீரிணையை மீண்டும் திறப்பதற்கு ஈரான் முன்வைத்துள்ள நிபந்தனைகள் நிறைவேற்றப்பட வேண்டும் எனத் தெரிவித்துள்ளார்.

இந்த நெருக்கடியிலிருந்து வெளியேறுவதற்கான ஒரே வழி பேச்சுவார்த்தை மூலம் தீர்வை எட்டுவதே எனவும் அவர் வலியுறுத்தியுள்ளார்.

ஐக்கிய நாடுகள் பொதுச் சபைக் கூட்டத்தொடர் நடைபெற்றுவரும் நிலையில், கட்டார் மத்தியஸ்தம் மூலம் அமெரிக்காவிடம் ஈரான் இந்த முன்மொழிவை கையளித்திருந்தது.

குறித்த முன்மொழிவின் அடிப்படையில், ஏழு நாட்களுக்குள் ஹோர்முஸ் நீரிணையை மீண்டும் திறப்பதற்கும் பிராந்தியத்தில் இடம்பெறும் மோதல்களை நிறுத்துவதற்கும் நடவடிக்கை எடுக்க முடியும் என ஈரான் தெரிவித்திருந்தது.

எனினும், ஈரான் மிகுந்த நெருக்கடியான சூழ்நிலையில் இருப்பதாலேயே இந்த முன்மொழிவை முன்வைத்துள்ளதாகக் கூறிய ட்ரம்ப், அதனை நிராகரித்ததாக ஊடகவியலாளர்களிடம் தெரிவித்துள்ளார்.

இதேவேளை, அமெரிக்கா தமது முன்மொழிவை அதிகாரப்பூர்வமாக நிராகரித்ததாக மத்தியஸ்தர்கள் இதுவரை அறிவிக்கவில்லை என அராக்சி குறிப்பிட்டுள்ளதுடன், அமெரிக்காவின் இறுதி நிலைப்பாட்டை மத்தியஸ்தர்கள் மூலம் எதிர்பார்ப்பதாகவும் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0