கிளிநொச்சி பூநகரி பிரதேச செயலாளர் பிரிவுக்குற்பட்ட கெளதாரி முனை சுற்றுலா முதலீட்டு அபிவிருத்தி திட்டம் தொடர்பான கலந்துரையாடல் கடற்றொழில் நீரியல் மற்றும் கடல்வளங்கள் அமைச்சர் இராமலிங்கம் சந்திரசேகரன் தலைமையில் பூநகரி பிரதேச செயலக மாநாட்டு மண்டபத்தில் நடைபெற்றது.
குறித்த கலந்துரையாடலில் வடமாகாண ஆளுநர் நாகலிங்கம் வேதநாயகன், மாவட்ட அரசாங்க அதிபர் சுப்பிரமணியம் முரளிதரன், மாகாண காணி ஆணையாளர் இ.குருபரன், பூநகரி பிரதேச செயலாளர் வேல்முருகு ஆயகுலன், நகர அபிவிருத்தி அதிகார சபையின் வடமாகாண உதவிப்பணிப்பாளர் ஜறவன் தாரகா, வடக்கு மாகாண சுற்றுலா அபிவிருத்தி பணியகத்தின் தலைவர் கலாநிதி ஜெகநாதன் விவேகானந்தன், பூநகரி பிரதேச சபைத் தவிசாளர் சிவகுமார் சிறீரஞ்சன், மாவட்டத்தின் துறை சார்ந்த திணைக்கள உத்தியோகத்தர்கள், கெளதாரி முனையில் சுற்றுலா முதலீடு செய்வதற்கு விண்ணப்பித்த முதலீட்டாளர்கள் உள்ளிட்டோர் கலந்து கொண்டனர்.
இதன்போது நகர அபிவிருத்தி அதிகாரசபையின் திட்டமிடலுக்கு அமைய சுற்றுலா முதலீட்டு திட்டங்கள் செயற்படுத்த வேண்டும் என தெளிவுபடுத்தப்பட்டது.
முதலீட்டாளர்களும் தங்களது கருத்துக்களை முன்வைத்தனர்.
தொடர்ந்து முதலீட்டாளர்களுக்கு முதலீட்டுக்கான இடங்களை தெரிவு செய்வதற்காக பூநகரி பிரதேச செயலாளர் தலைமையில் குழு ஒன்றும் அமைக்கப்பட்டது.
