ஜனாதிபதி நிதியத்தின் நிதியை பாதிக்கப்பட்ட மக்களுக்கு கிடைக்கச் செய்த பிரதேச செயலகங்கள் கெளரவிப்பு.!
ஜனாதிபதி நிதியத்தின் நிதியை பாதிக்கப்பட்ட மக்களுக்கு அதிகம் கிடைக்கச் செய்த பிரதேச செயலகங்களை கெளரவிக்கும் நிகழ்வு இன்று 26.09.2026 பிற்பகல் 2.30 கிளிநொச்சி மாவட்ட செயலகத்தில் நடைபெற்றது.
ஜனாதிபதி நிதியத்தின் ஊடாக வழங்கப்பட்ட நிதியினை பயன்படுத்தி மக்களுக்கான சிறந்த சேவையினை உரிய நேரத்தில் அவர்களுக்கு வழங்கியமைக்கான வட மாகணத்தில் உள்ள மாவட்ட செயலாளர்களின் கீழுள்ள பிரதேச செயலகங்களுக்கான கௌரவிப்பும் சான்றிதழ் வழங்கும் நிகழ்வும் நடைபெற்றது.
சிரேஷ்ட மேலதிக செயலாளர் Roshan Gamage தலைமையில் நடைபெற்ற நிகழ்வில் சபாநாயகர் Dr.ஜெகத் விக்கிமரத்ன பிரதம அதிதியாக கலந்து கொண்டார். குறித்த நிகழ்வில் கடற்றொழில் அமைச்சர் இராமலிங்கம் சந்திரசேகரன், நாடாளுமன்ற உறுப்பினர்களான மயில்வாகனம் ஜெகதீஸ்வரன், Dr. செல்லத்தம்பி திலகநாதன் உள்ளிட்ட நாடாளுமன்ற உறுப்பினர்களும் கலந்து கொண்டனர்.
