தியாக தீபத்தை நினைவுகூரும் வகையில் யாழ். பல்கலைக்கழக மாணவர்கள் உண்ணாவிரத போராட்டம்.!

தியாக தீபம் திலீபனின் தியாகத்தை எடுத்துக் காட்டும் முகமாக யாழ்ப்பாண பல்கலைக்கழக மாணவர்கள் ஒருநாள் அடையாள உணவு தவிர்ப்பு போராட்டத்தை ஏற்பாடு செய்துள்ளனர்.

இது குறித்து அவர்கள் வெளியிட்ட ஊடக அறிக்கையில் தெரிவிக்கப்பட்டுள்ளதாவது,

எம் மண்ணின் விடுதலைக்காக ஐந்து அம்ச கோரிக்கைகளை முன்வைத்து 12 நாட்கள் பசி இருந்து இந்த மண்ணுக்காக தன்னுயிரை தியாகம் செய்த தியாகத்தின் தீ திலீபன் அண்ணா அவர்களது 39ஆவது வருட நினைவு தினத்தையொட்டி யாழ்ப்பாணப் பல்கலைக்கழக மாணவர்களால் ஓர் நாள் அடையாள உணவு தவிர்ப்பு போராட்டம் முன்னெடுக்கப்படவுள்ளது.

எனவே அந்த போராட்டத்தில் கலந்துகொண்டு அதற்கு வலுச் சேர்க்குமாறு அனைத்து தரப்புக்களையும் அழைத்து நிற்கின்றோம்.

இந்த போராட்டமானது 2026-09-25 அன்று (வெள்ளிக்கிழமை) பல்கலைக்கழக முன்றலில் இடம்பெறவுள்ளது என குறிப்பிடப்பட்டுள்ளது.