ஈரானுடன் தொடர்பில் உள்ள ஈராக்கின் ஆயுதமேந்திய துணை இராணுவக் குழுவான கதைப் ஹிஸ்புல்லா (Kataib hezbollah) அமைப்புக்கு எதிராக அமெரிக்கா புதிய பொருளாதாரத் தடைகளை விதித்துள்ளது.
ஒபரேஷன் எகனாமிக் அவுட்காஸ்ட்” (Operation Economic Outcast) என்ற நடவடிக்கையின் கீழ் கதைப் ஹிஸ்புல்லா மற்றும் பிராந்தியத்தில் ஈரானின் பிரசார நிதி வலையமைப்புகளை இலக்காகக் கொண்டு இந்தத் தடைகள் விதிக்கப்பட்டுள்ளதாக அமெரிக்க வெளியுறவுத்துறை பேச்சாளர் தோமஸ் பிகட் (Thomas Pigott) அறிவித்துள்ளார்.
ஏற்கனவே அமெரிக்காவால் “பயங்கரவாத” அமைப்பாகப் பெயரிடப்பட்டுள்ள கதைப் ஹிஸ்புல்லா மத்திய கிழக்கில் வன்முறையைத் தூண்டுவதற்கும் ஈரானின் நலன்களைச் செயல்படுத்துவதற்கும் ஒரு கருவியாகச் செயல்படுவதாக வொஷிங்டன் குற்றம் சாட்டியுள்ளது.
அத்துடன் குறித்த அமைப்பு, ஈராக் மற்றும் லெபனானின் பாதுகாப்புக்கும் அமெரிக்க ராணுவ மற்றும் இராஜதந்திர வசதிகளுக்கும் அச்சுறுத்தலாக செயற்படுவதாகவும் வொஷிங்டன் சுட்டிக்காட்டியுள்ளது.
இதேவேளை. ஈராக்கில் உள்ள துணை ராணுவக் குழுக்கள் தங்களது ஆயுதங்களைக் கலைக்க வேண்டும் என்ற அரசாங்கத்தின் உத்தரவை கதைப் ஹிஸ்புல்லா அமைப்பு திட்டவட்டமாக நிராகரித்துள்ளது.
அத்துடன் “எதிர்ப்பு ஆயுதங்களை” தொடர்ந்து வைத்திருப்பதாகவும் தங்களது ஆயுதக் களஞ்சியத்தை மேலும் மேம்படுத்துவதாகவும் அந்த அமைப்பு தெரிவித்து வருகிறது.
