பேரான் ட்ரம்ப்பைக் கொ@லை செய்ய சதித்திட்டம் – அமெரிக்காவின் ரகசிய பாதுகாப்புப் பிரிவு விசாரணை!
அமெரிக்க ஜனாதிபதி டொனால்ட் ட்ரம்ப்பின் இளைய மகன் பேரான் ட்ரம்ப்பைக் (Baron Trump) கொலை செய்வதற்கான சாத்தியமான சதித்திட்டம் குறித்து ஈரானிய அரசுத் தொலைக்காட்சி ஒளிபரப்பிய காணொளி தொடர்பாக அமெரிக்காவின் ரகசியப் பாதுகாப்புப் பிரிவு (Secret Service) விசாரணை நடத்தி வருகிறது.
20 வயதான பேரான் ட்ரம்ப் கண்காணிக்கப்பட்டு வருவதாகவும், அவரைக் கொல்வதற்காக 10 மில்லியன் டொலர் பரிசுத் தொகை (Bounty) அறிவிக்கப்பட்டுள்ளதாகவும் ஈரானிய அரசுத் தொலைக்காட்சி மூன்று நிமிட காணொளி ஒன்றை ஒளிபரப்பியுள்ளது.
இந்தநிலையில் தங்களது பாதுகாப்பில் உள்ளவர்களுக்கு எதிராக வரக்கூடிய எத்தகைய அச்சுறுத்தலையும் தீவிரமாக விசாரிப்பதாக ரகசியப் பாதுகாப்புப் பிரிவின் பேச்சாளர் நெய்த் ஹெரிங் (Nate Herring) தெரிவித்துள்ளார்.
இருப்பினும், செயல்பாட்டுப் பாதுகாப்பு கருதி உளவுத்துறை விவகாரங்கள் குறித்து வெளிப்படையாகப் பேச முடியாது என்றும் அவர் குறிப்பிட்டார்.
கடந்த பெப்ரவரி மாதம் அமெரிக்காவும் இஸ்ரேலும் இணைந்து ஆரம்பித்த போருக்குப் பிறகு, இரண்டு நாடுகளுக்கும் இடையே விரோதப் போக்கு தொடர்ந்து அதிகரித்து வருகிறது. இதற்கு முன்னரும் ட்ரம்ப்பைக் குறிவைத்து ஈரான் செயற்படுவதாக இஸ்ரேல் எச்சரித்திருந்தது குறிப்பிடத்தக்கது.
