உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பாகிஸ்தானின் முன்னாள் பிரதமர் இம்ரான் கான் சிறையில் இருந்து மருத்துவமனைக்கு மாற்றப்பட்டார்!

உலக செய்திகள் 3 மாதங்கள் முன்
185 பார்வைகள்

சிறையில் அடைக்கப்பட்டுள்ள பாகிஸ்தானின் முன்னாள் பிரதமர் இம்ரான் கான், மருத்துவப் பரிசோதனைக்காக வெள்ளிக்கிழமை (21) அதிகாலை இஸ்லாமாபாத்தில் உள்ள மருத்துவமனைக்கு மாற்றப்பட்டதாக அவரது கட்சி தெரிவித்துள்ளது.

சிறைவாசத்தின் போது அவரது உடல்நிலை மோசமடைந்துள்ளதாகக் கூறி வந்த ஆதரவாளர்களின் நீண்டகாலக் கோரிக்கை இதன் மூலம் நிறைவேற்றப்பட்டுள்ளது.

இந்த நடவடிக்கை உயர் நீதிமன்றத்தின் இந்த வார உத்தரவைத் தொடர்ந்து மேற்கொள்ளப்பட்டுள்ளது.

2022 ஆம் ஆண்டில் இம்ரான் கான் பதவியிலிருந்து நீக்கப்பட்டதிலிருந்து முரண்பாட்டில் இருந்து வரும் அவரது கட்சிக்கும், பாகிஸ்தானின் சக்திவாய்ந்த இராணுவ அமைப்பிற்கும் இடையிலான பதற்றத்தைத் தணிப்பதற்கான ஒரு சாத்தியமான முதல் படியாக இது கருதப்படுகிறது.

சிறைவசத்தின் போது, அவரது உடல்நிலை மோசமடைந்துள்ளதாகவும், வலது கண்ணில் கணிசமான அளவு பார்வையை இழந்துள்ளதாகவும் அவரது சட்டத்தரணிகள் கூறுகின்றனர்.

ஆனால், உடனடி சிகிச்சை தேவைப்படும் வகையிலான எந்தவொரு பாதிப்பும் இல்லை என்று மருத்துவ அறிக்கைகள் தெரிவிப்பதாக அரசு கூறியுள்ளது.

73 வயதான முன்னாள் பாகிஸ்தான் கிரிக்கெட் அணியின் தலைவரை 48 மணி நேரத்திற்குள் தலைநகரில் உள்ள ஷிஃபா சர்வதேச மருத்துவமனைக்கு மாற்றவும், அவரது தனிப்பட்ட மருத்துவர் அடங்கிய மருத்துவக் குழுவின் சிகிச்சையைப் பெற அவரை அனுமதிக்கவும் பாகிஸ்தான் உயர் நீதிமன்றம் கடந்த செவ்வாய்க்கிழமை உத்தரவிட்டது.

இம்ரான் கான் 2023 ஆகஸ்ட் முதல் சிறையில் அடைக்கப்பட்டுள்ளார்.

நம்பிக்கையில்லாத் தீர்மானத்தின் மூலம் ஆட்சியை இழந்ததிலிருந்து, அரசுப் பரிசுகள் மற்றும் சட்டவிரோதத் திருமணம் தொடர்பான வழக்குகள் உட்படப் பல வழக்குகளை கான் எதிர்கொண்டு வருகிறார்.

சில வழக்குகளில் அளிக்கப்பட்ட தண்டனைகள் இடைநிறுத்தப்பட்டுள்ளன அல்லது இரத்து செய்யப்பட்டுள்ளன.

மேல்முறையீடுகள் நிலுவையில் உள்ளன.

எனினும் அவர் எந்தத் தவறும் செய்யவில்லை என்று மறுத்து வருகின்றமையும் குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0