உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

தென் கொரியாவில் கடும் வெப்ப அலை : 19 பேர் உயிரிழப்பு!

உலக செய்திகள் 4 மாதங்கள் முன்
116 பார்வைகள்

தென் கொரியாவில் நிலவும் கடும் வெப்ப அலை காரணமாக 19 பேர் உயிரிழந்துள்ளனர்.

இந்த நிலைமையை ஒரு ‘தேசியப் பேரிடர்’ என்று குறிப்பிட்டுள்ள அந்நாட்டு ஜனாதிபதி லீ ஜே-ம்யுங், பாதிக்கப்பட்ட மக்களுக்கு வழங்கப்படும் உதவிகளை அதிகரிக்குமாறு அதிகாரிகளை வலியுறுத்தினார்.

செவ்வாயன்று (04) அமைச்சரவைக் கூட்டத்தில் பேசிய லீ, மக்களின் அன்றாட வாழ்க்கையைப் பாதுகாப்பதற்கான நடவடிக்கைகளை மேற்கொள்ளுமாறும், குளிரூட்டி (AC) வசதி பயன்பாடு அதிகரித்துள்ளதால் மின்சார அமைப்புகளைச் சோதிக்குமாறும் அதிகாரிகளுக்கு உத்தரவிட்டார்.

தென்கொரியாவில் ஞாயிற்றுக்கிழமையன்று 42.5 டிகிரி செல்சியஸ் (108.5 டிகிரி பாரன்ஹீட்) வெப்பநிலை பதிவாகியுள்ளதாக நாட்டின் வானிலை ஆய்வு மையம் தெரிவித்துள்ளது.

கடந்த 122 ஆண்டுகால வானிலை பதிவுகளில் இதுவே மிக அதிகபட்ச வெப்பநிலையாகும்.

கொரிய வானிலை ஆய்வு மையம், சியோல் (Seoul) மற்றும் அதை ஒட்டிய கியோங்கி (Gyeonggi) மாகாணத்தின் சில பகுதிகளுக்குத் திங்களன்று முதன்முறையாக வெப்ப அலை (heatwave) எச்சரிக்கையை விடுத்தது.

செவ்வாய்க்கிழமையன்று இந்த எச்சரிக்கை தலைநகர் பகுதி முழுமைக்கும் விரிவுபடுத்தப்பட்டது.

வெப்ப அலை எச்சரிக்கையானது, விவசாயம், விளையாட்டு மற்றும் கட்டுமானப் பணிகளில் ஈடுபடுவது போன்ற வெளிப்புற நடவடிக்கைகளை நிறுத்தி வைக்குமாறு மக்களுக்கு அறிவுறுத்தப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0