உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரானின் உட்கட்டமைப்புக்கள் தாக்கி அழிக்கப்படும் – ட்ரம்ப் எச்சரிக்கை!

உலக செய்திகள் 4 மாதங்கள் முன்
115 பார்வைகள்

ஹோர்முஸ் நீரிணையில் கப்பல்கள் மீது ஈரான் தாக்குதல் நடத்தும் ஒவ்வொரு சந்தர்ப்பத்திற்கும் பதில் வழங்கும் நோக்கில், ஈரானின் ஒரு பாலம் அல்லது மின் உற்பத்தி நிலையத்தை அமெரிக்கா தாக்கி அழிக்கும் என அமெரிக்க ஜனாதிபதி டொனால்ட் ட்ரம்ப் எச்சரித்துள்ளார்.

ஈரானியத் தாக்குதல்களுக்குப் பதிலளிக்கும் வகையில் பொதுமக்களின் உட்கட்டமைப்புகளை இலக்கு வைக்கவுள்ளதாக அவர் மீண்டும் எச்சரித்துள்ளார்.

இரு தரப்பிலும் பரஸ்பரத் தாக்குதல்கள் தீவிரமடைந்து, போரை முடிவுக்குக் கொண்டுவருவதற்கான இடைக்கால ஒப்பந்தம் சீர்குலைந்துள்ள நிலையிலேயே இந்த எச்சரிக்கை விடுக்கப்பட்டுள்ளது.

இனிமேல், ஹோர்முஸ் நீரிணையில் ஏவுகணை, ரொக்கெட், ட்ரோன் அல்லது வேறு ஏதேனும் சாதனம் அல்லது ஆயுதம் மூலம் கப்பல்கள் மீது ஈரானிய இஸ்லாமியக் குடியரசு தாக்குதல் நடத்தும் ஒவ்வொரு முறையும், அமெரிக்கா இந்த நடவடிக்கை எடுக்கும் என அவர் குறிப்பிட்டுள்ளார்.

இதற்கிடையே அமெரிக்கா நேற்று ஈரானின் மீது மற்றொரு கட்ட வான்வழித் தாக்குதல்களை நடத்தியது.

தலைநகர் தெஹ்ரானில் ஈரானிய வான் பாதுகாப்பு அமைப்புகள் பதில் தாக்குதல்களை நடத்தின. அதேவேளை, இஸ்ரேலின் எல்லைக்கு அருகில் அமைந்துள்ள ஜோர்தானிய நகரம் மீது ஈரான் ஏவுகணைத் தாக்குதலை நடத்தியுள்ளதுடன், பஹ்ரைன் மற்றும் சவூதி அரேபியாவிலும் எச்சரிக்கைகள் விடுக்கப்பட்டுள்ளன.

இராஜதந்திர முயற்சிகளில் பெரிய அளவிலான முன்னேற்றம் எதுவும் தென்படாத நிலையில், ஈரானின் மீதான அமெரிக்காவின் வான்வழித் தாக்குதல்கள் தொடர்ச்சியாக 11 ஆவது இரவாகவும் நீடித்துள்ளன.

ஈரானியத் தாக்குதல்கள் காரணமாக பெருமளவில் முடங்கியுள்ள, சர்வதேச எரிபொருள் விநியோகத்திற்கு முக்கியமான பாதையான ஹோர்முஸ் நீரிணை தொடர்பான மோதலில் இரு தரப்பு அதிகாரிகளும் தீவிர நிலைப்பாட்டை எடுத்துள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0