ஈரானின் இராணுவ இலக்குகளைக் குறிவைத்து அமெரிக்கா தொடர்ந்து தாக்குதல்!

ஈரானின் இராணுவ இலக்குகளைக் குறிவைத்து, அமெரிக்கா தொடர்ந்து 11ஆவது இரவாகவும் வான்வழித் தாக்குதல்களை முன்னெடுத்துள்ளது.

ஹோர்முஸ் நீரிணை வழியாக நடைபெறும் சர்வதேச வர்த்தகக் கப்பல் போக்குவரத்துக்கு அச்சுறுத்தலாகக் கருதப்படும் ஈரானின் இராணுவ மற்றும் கடல்சார் திறன்களை மேலும் பலவீனப்படுத்தும் நோக்கில் இந்தத் தாக்குதல்கள் மேற்கொள்ளப்பட்டதாக அமெரிக்க மத்திய கட்டளைப் பிரிவு (CENTCOM) தெரிவித்துள்ளது.

முக்கிய இராணுவ வசதிகள் மற்றும் கடற்படை தொடர்புடைய இலக்குகள் மீது துல்லியமான தாக்குதல்கள் நடத்தப்பட்டதாகவும், சர்வதேச கடல் வர்த்தகத்தின் பாதுகாப்பை உறுதிப்படுத்தும் நடவடிக்கைகளின் ஒரு பகுதியாக இந்த நடவடிக்கைகள் முன்னெடுக்கப்படுவதாகவும் அந்த அமைப்பு குறிப்பிட்டுள்ளது.