உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

அமெரிக்காவுக்குப் பயனளிக்கும் அனைத்து கடல் வழித்தடங்களையும் மூடப்போவதாக ஈரான் எச்சரிக்கை!

உலக செய்திகள் 4 மாதங்கள் முன்
155 பார்வைகள்

அமெரிக்கா மற்றும் அதன் நட்பு நாடுகளுக்குப் பயனளிக்கும் அனைத்து முக்கிய ஏற்றுமதி கடல் வழித்தடங்களையும் மூடப்போவதாக ஈரானின் ‘இஸ்லாமிய புரட்சிகர காவல் படை’ எச்சரித்துள்ளது.

ஈரான் தனது கட்டுப்பாட்டில் உள்ள ஹோர்முஸ் ஜலசந்தியை மூடியதைத் தொடர்ந்து, அமெரிக்க ஜனாதிபதி டொனால்ட் டிரம்ப் ஈரானிய துறைமுகங்கள் மீதான புதிய கடற்படை முற்றுகைக்கு உத்தரவிட்டார்.

இதற்குப் பதிலடியாகவே ஈரான் இந்த எச்சரிக்கையை விடுத்துள்ளது.

ஈரானின் அதிகாரப்பூர்வ செய்தி நிறுவனமான ‘IRNA’ இன்று வெளியிட்ட அறிக்கையில், இதனை கோரியுள்ளது.

அதன்படி, “இந்த பிராந்தியத்தின் எரிசக்தி ஏற்றுமதி என்பது ஒன்று அனைவருக்கும் சமமாகப் பகிரப்பட வேண்டும், அல்லது எவருக்கும் கிடைக்காமல் மறுக்கப்பட வேண்டும். என தெரிவிக்கப்பட்டுள்ளது.

ஈரானின் இந்த அறிவிப்பானது, உலக நாடுகளுக்குச் செல்லும் கச்சா எண்ணெய் விநியோகத்தை முழுமையாக முடக்கும் ஒரு சவாலாகப் பார்க்கப்படுகிறது.

ஈரான் தனது நட்பு அமைப்பான ஏமனின் ‘ஹூதி’ (Houthi) கிளர்ச்சியாளர்களைப் பயன்படுத்தி, செங்கடலின் நுழைவாயிலான ‘பாப் எல்-மண்டேப்’ (Bab el-Mandeb) ஜலசந்தியை மூடத் திட்டமிட்டுள்ளதாகப் பாதுகாப்பு ஆய்வாளர்கள் எச்சரித்துள்ளனர்.

இது நடந்தால், உலகின் மிக முக்கியமான இரண்டு எரிசக்தி விநியோகப் பாதைகளும் ஒரே நேரத்தில் முடக்கப்படும் அபாயம் ஏற்படும்.

சவூதி அரேபியாவின் எண்ணெய் ஏற்றுமதி மற்றும் உலகளாவிய கப்பல் போக்குவரத்தின் பெரும்பகுதி இந்த பாப் எல்-மண்டேப் ஜலசந்தி வழியாகவே பயணிக்கிறது.

சவூதி அரேபியா ஏமன் மீது தொடர்ந்து தாக்குதல் நடத்தினால், பாப் எல்-மண்டேப் ஜலசந்தியை மூடத் தாங்கள் தயாராக இருப்பதாக ஹூதி அமைப்பின் மூத்த அதிகாரி ஒருவர் எச்சரித்துள்ளார்.

இந்த நடவடிக்கையால் கச்சா எண்ணெய் விலை ஒரு பேரல் 200 டாலராக உயரும் என்றும் அவர் குறிப்பிட்டுள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0