உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரானின் உச்ச தலைவர் கமேனியின் உடல் ‘இமாம் ரெஸா’ புனிதத் தலத்தில் நல்லடக்கம்!

உலக செய்திகள் 4 மாதங்கள் முன்
120 பார்வைகள்

அமெரிக்காவின் வான்வழித் தாக்குதலில் கொல்லப்பட்ட ஈரானின் உச்சக்கட்ட ஆன்மீகத் தலைவர் அயதுல்லா அலி கமேனியின் உடல், நாட்டின் மிகப் புனிதமான வழிபாட்டுத் தலமாகக் கருதப்படும் மஷாத் நகரில் முழு அரசு மரியாதையுடன் அடக்கம் செய்யப்படுகிறது.

கடந்த ஒரு வார காலமாக ஈராக் மற்றும் ஈரானின் பல்வேறு நகரங்களில் லட்சக்கணக்கான மக்கள் பங்கேற்ற இறுதி ஊர்வலங்கள் மற்றும் பேரணிகளின் தொடர்ச்சியாக இந்த இறுதிச் சடங்கு நடைபெறுகிறது.

அயதுல்லா அலி கமேனி கொல்லப்பட்ட அதே அமெரிக்கத் தாக்குதலில், அவரது மகனும் ஈரானின் அடுத்த புதிய ஆன்மீகத் தலைவராகப் பொறுப்பேற்கவுள்ளவருமான மொஜ்தாபா கமேனியும் படுகாயமடைந்தார்.

இத்தாக்குதலில் அவரது முகம் மற்றும் உடல் கடுமையாகச் சிதைந்துள்ளதால், அவர் இன்னும் பொதுவெளியில் தோன்றாமல் ரகசியமாக வைக்கப்பட்டுள்ளதாகத் தகவல்கள் தெரிவிக்கின்றன.
ஈரானின் வடகிழக்கு பகுதியிலுள்ள மஷாத் நகரின் வீதிகளில் மக்கள் வெள்ளம்போலத் திரண்டிருந்தனர். கமேனியின் உடல் வைக்கப்பட்டிருந்த வாகனம், அங்குள்ள புகழ்பெற்ற ‘இமாம் ரெஸா’ புனிதத் தலத்தின் தங்கக் கோபுரத்தை நோக்கி மெதுவாக நகர்ந்தது.

ஈரானின் வடகிழக்கு பகுதியிலுள்ள மஷாத் நகரின் வீதிகளில் மக்கள் வெள்ளம்போலத் திரண்டிருந்தனர். கமேனியின் உடல் வைக்கப்பட்டிருந்த வாகனம், அங்குள்ள புகழ்பெற்ற ‘இமாம் ரெஸா’ புனிதத் தலத்தின் தங்கக் கோபுரத்தை நோக்கி மெதுவாக நகர்ந்தது.

இந்த ஊர்வலத்தின் இருபுறமும் வெள்ளை நிறத் தலைப்பாகை அணிந்த ஈரானிய மதகுருமார்கள் அணிவகுத்து நடந்தனர்.

கருப்பு நிற ஆடை அணிந்திருந்த லட்சக்கணக்கான அஞ்சலியாளர்கள் வாகனத்தை சூழ்ந்து கொண்டு, ஈரானியக் கொடிகளையும், மறைந்த அலி கமேனியின் புகைப்படங்களையும், புரட்சிகர முழக்கங்கள் அடங்கிய சிவப்பு நிறப் பலகைகளையும் ஏந்தியவாறு கண்ணீர் மல்க அஞ்சலி செலுத்தினர்.

கடந்த சில வாரங்களாக அமெரிக்கா மற்றும் ஈரான் இடையே நிலவி வந்த தற்காலிக அமைதி ஒப்பந்தம் அண்மையில் முறிவடைந்தது.

இதனைத் தொடர்ந்து இரு நாடுகளுக்கும் இடையே மீண்டும் கடுமையான ராணுவ மோதல்கள் தீவிரமடைந்துள்ள ஒரு இக்கட்டான சூழலிலேயே இந்த இறுதிச் சடங்கு நடைபெறுகிறது.
ஈரான் மற்றும் ஈராக்கில் ஒரு வார காலமாக நடைபெற்ற இந்த பிரம்மாண்ட இறுதி ஊர்வலங்களில் பொதுமக்கள் பெருமளவில் கலந்துகொள்ள வேண்டும் என்று ஈரானிய மதகுருமார்கள் தலைமையிலான அரசாங்கம் தொடர்ந்து ஊக்குவித்து வந்தது.


ஈரான் மற்றும் ஈராக்கில் ஒரு வார காலமாக நடைபெற்ற இந்த பிரம்மாண்ட இறுதி ஊர்வலங்களில் பொதுமக்கள் பெருமளவில் கலந்துகொள்ள வேண்டும் என்று ஈரானிய மதகுருமார்கள் தலைமையிலான அரசாங்கம் தொடர்ந்து ஊக்குவித்து வந்தது.

இதன் மூலம், தங்கள் நாட்டின் சித்தாந்த பலத்தையும், தியோகிராசி எனப்படும் மதகுருமார்களின் ஆட்சி அதிகாரத்தின் வலிமையையும் உலகிற்குப் பறைசாற்ற ஈரான் முயன்று வருவதாக சர்வதேச அரசியல் ஆய்வாளர்கள் கருதுகின்றனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

145 0 0