உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

நோர்ட் ஸ்ட்ரீம் எரிவாயு குழாய் வெடிப்புச் சம்பவம் தொடர்பில் உக்ரைனியர் மீது ஜேர்மனி வழக்குப் பதிவு!

உலக செய்திகள் 5 மாதங்கள் முன்
85 பார்வைகள்


நோர்ட் ஸ்ட்ரீம் எரிவாயு குழாய் வெடிப்பு சம்பவம் தொடர்பாக உக்ரைனைச் சேர்ந்த முன்னாள் இராணுவ வீரர் ஒருவர் மீது ஜேர்மனி அதிகாரபூர்வமாக குற்ற வழக்குப் பதிவு செய்துள்ளது.

உக்ரைன்–ரஷ்யா போர் தொடங்கியதைத் தொடர்ந்து, கடந்த 2022 ஆம் ஆண்டு செப்டம்பர் மாதம் பால்டிக் கடலுக்கடியில் அமைந்திருந்த நோர்ட் ஸ்ட்ரீம் எரிவாயு குழாயை தகர்க்கும் நோக்கில் செயல்பட்டதாகக் கூறப்படும் 7 பேர் கொண்ட குழுவை வழிநடத்திய குற்றச்சாட்டின் பேரிலேயே இந்த நடவடிக்கை எடுக்கப்பட்டுள்ளது.

இந்த தகவலை ஜேர்மனியின் முன்னணி ஊடகங்களான ARD மற்றும் Zeit உறுதிப்படுத்தியுள்ளன.

கைது செய்யப்பட்டவர் 50 வயதுடைய செர்ஹி K. என அடையாளம் காணப்பட்டுள்ளார். அவர் உக்ரைனின் தலைநகர் கீவ் நகரைச் சேர்ந்த முன்னாள் இராணுவ வீரர் என்றும் தெரிவிக்கப்பட்டுள்ளது.

செர்ஹி K. கடந்த 2025 ஆம் ஆண்டு இத்தாலியில் கைது செய்யப்பட்ட நிலையில், பின்னர் மேலதிக விசாரணைகளுக்காக ஜேர்மனிக்கு நாடுகடத்தப்பட்டதாகத் தகவல்கள் தெரிவிக்கின்றன.

நோர்ட் ஸ்ட்ரீம் எரிவாயு குழாய், ரஷ்யாவிலிருந்து ஐரோப்பிய நாடுகளுக்கு இயற்கை எரிவாயுவைக் கொண்டு செல்லும் முக்கிய கடலடி உள்கட்டமைப்பாகும்.

இந்த அமைப்பிலிருந்த நான்கு குழாய்களில் மூன்று, 2022 ஆம் ஆண்டு இடம்பெற்ற வெடிப்பில் சேதமடைந்தன. அந்த நேரத்தில் அவை செயற்பாட்டில் இல்லாவிட்டாலும், ஐரோப்பாவின் எரிசக்தி பாதுகாப்பில் முக்கிய பங்காற்றும் கட்டமைப்பாக அவை கருதப்படுகின்றன.

இதனிடையே, இந்த வெடிப்பு சம்பவத்துடன் தனக்கு எந்தவித தொடர்பும் இல்லை என்று செர்ஹி K. மறுத்துள்ளார்.

மேலும், தமக்கு எதிராக முன்வைக்கப்பட்டுள்ள ஆதாரங்கள் நீதிமன்றத்தில் நிலைக்காது என்றும், இந்த வழக்கிலிருந்து தனது வாடிக்கையாளர் விடுவிக்கப்படுவார் என்ற நம்பிக்கை இருப்பதாக அவரது சட்டத்தரணி தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

145 0 0