உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

தமிழக அமைச்சர் சரத்குமார்  போதைப்பொருள் பயன்படுத்தியதாக குற்றச்சாட்டு!

இந்திய செய்திகள் 5 மாதங்கள் முன்
121 பார்வைகள்

போதைப்பொருள் பயன்படுத்தியதாக தமிழக அமைச்சர் சரத்குமார் மீது எழுந்துள்ள குற்றச்சாட்டு தொடர்பாக, தமிழக வெற்றிக்கழகத்தின் தலைமையிலான உள்கட்சி விசாரணை முன்னெடுக்கப்பட்டு வருவதாக தெரிவிக்கப்பட்டுள்ளது.

தமிழக முதலமைச்சர் விஜய்யின் அமைச்சரவையில் மனிதவள முகாமைத்துவத் துறை அமைச்சராக சரத்குமார் பதவி வகித்து வருகிறார்.

இந்த நிலையில், 2022ஆம் ஆண்டு சென்னையில் நடைபெற்ற ஐ.பி.எல். கிரிக்கெட் போட்டியை பார்வையிட்டபோது எடுக்கப்பட்டதாகக் கூறப்படும் காணொளி ஒன்று சமூக வலைத்தளங்களில் வெளியாகி பெரும் சர்ச்சையை ஏற்படுத்தியுள்ளது.

அந்தக் காணொளியில், அமைச்சர் சரத்குமார் கோக்கைன் உள்ளிட்ட போதைப்பொருளைப் பயன்படுத்துவதாகக் கூறி எதிர்க்கட்சியினர் குற்றச்சாட்டுகளை முன்வைத்து வருகின்றனர்.

இந்த குற்றச்சாட்டுகளை மறுத்துள்ள அமைச்சர் சரத்குமார், உடல்நலக்குறைவால் அவதிப்பட்ட தனது குழந்தைக்கு மாத்திரையை தூளாக்கி வழங்கியபோதுதான் அந்தக் காணொளி பதிவு செய்யப்பட்டதாக விளக்கம் அளித்துள்ளார்.

எனினும், இந்த விளக்கத்தை ஏற்க மறுத்த திராவிட முன்னேற்றக் கழகத்தினர் பல்வேறு பகுதிகளில் போராட்டங்களை முன்னெடுத்து வருகின்றனர். இதேவேளை, இந்தச் சம்பவம் தொடர்பாக சமூக வலைத்தளங்களிலும் பல்வேறு கருத்துகள் மற்றும் காணொளிகள் பரவி வருகின்றன.

சட்டசபையில் பாதீடு தாக்கல் செய்யப்படவுள்ளதுடன், ஏழு தொகுதிகளுக்கான இடைத்தேர்தலும் நெருங்கி வரும் நிலையில், இந்த விவகாரம் விஜய் தலைமையிலான அரசாங்கத்திற்கு அரசியல் நெருக்கடியை ஏற்படுத்தியுள்ளதாக அரசியல் தரப்புக்கள் தெரிவிக்கின்றன.

இதையடுத்து, சம்பவத்தின் உண்மைத் தன்மையை முழுமையாக ஆராய்ந்து, தேவையான நடவடிக்கைகளை எடுக்குமாறு முதலமைச்சர் விஜய் உத்தரவிட்டுள்ளதாக தகவல்கள் வெளியாகியுள்ளன.

அந்த உத்தரவின் அடிப்படையில், அமைச்சர் சரத்குமார் மீதான குற்றச்சாட்டு தொடர்பாக தமிழக வெற்றிக்கழகத் தலைமையகம் விசாரணை நடத்தி வருவதாக எரிசக்தித் துறை அமைச்சர் நிர்மல்குமார் தெரிவித்துள்ளார்.

விசாரணையின் இறுதியில் குற்றச்சாட்டுகள் உறுதிப்படுத்தப்பட்டால், அமைச்சர் சரத்குமார் பதவியிலிருந்து நீக்கப்படுவார் என தமிழக வெற்றிக்கழகம் தெரிவித்துள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இந்திய செய்திகள்

பெற்ற உரிமைகளை காப்போம்; மறுக்கப்படும் உரிமைகளை வெல்வோம் : மு.க.ஸ்டாலின் பதிவு

பெற்ற உரிமைகளை காப்போம்; மறுக்கப்படும் உரிமைகளை வெல்வோம் என திமுக தலைவர் மு.க.ஸ்டாலின் கூறியுள்ளார். திமுக தலைவர் மு.க.ஸ்டாலின் எக்ஸ் தளத்தில் வெளியிட்ட பதிவில், நீதிக்கட்சி பிறந்தது…

145 0 0
இந்திய செய்திகள்

மறைந்த எம்.எல்.ஏ விஎஸ் பாபுவின் இல்லத்திற்கு நேரில் சென்று தமிழக முதலமைச்சர் அஞ்சலி!

உடல்நலக்குறைவால் காலமான கொளத்தூர் தொகுதி சட்டமன்ற உறுப்பினர் வி.எஸ்.பாபுவின் இல்லத்திற்கு நேரில் சென்று தமிழக முதலமைச்சர் விஜய் நேற்று (19) இரவு மலர்மாலை வைத்து அஞ்சலி செலுத்தியுள்ளார்.…

132 0 0
இந்திய செய்திகள்

‘ஈடுசெய்ய முடியாத பேரிழப்பு’ – வி.எஸ். பாபு மறைவுக்கு விஜய் உருக்கம்!

கொளத்தூர் தொகுதி தமிழக வெற்றிக் கழகத்தின் (தவெக) சட்டமன்ற உறுப்பினர் வி.எஸ். பாபுவின் மறைவுக்கு தமிழக முதலமைச்சர் விஜய் ஆழ்ந்த இரங்கல் தெரிவித்துள்ளார். இது தொடர்பாக தனது…

152 0 0
இந்திய செய்திகள்

தமிழக சட்டமன்ற உறுப்பினர் வி.எஸ். பாபு காலமானார்!

தமிழக வெற்றிக் கழகத்தின் (தவெக) கொளத்தூர் தொகுதி சட்டமன்ற உறுப்பினர் வி.எஸ். பாபு , உடல்நலக் குறைவால் சென்னையில் உள்ள தனியார் மருத்துவமனையில் இன்று பிற்பகல் காலமானார்.…

149 0 0