உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரானின் உச்ச தலைவர் கமேனியின் இறுதிச் சடங்கு தொடர்பான அறிவித்தல்!

உலக செய்திகள் 5 மாதங்கள் முன்
157 பார்வைகள்

அமெரிக்கா மற்றும் இஸ்ரேலின் வான்வழித் தாக்குதலில் கொல்லப்பட்ட ஈரானின் உச்ச ஆன்மீகத் தலைவர் அயதுல்லா அலி கமே மற்றும் அவரது குடும்பத்தினரின் இறுதிச்சடங்கு ஊர்வல விபரங்கள் அதிகாரப்பூர்வமாக அறிவிக்கப்பட்டுள்ளன.

அதிர்ச்சியை ஏற்படுத்தியுள்ள இந்த விபரீத சம்பவத்தைத் தொடர்ந்து, ஈரானில் எதிர்வரும் ஜூலை 4ஆம் திகதி இறுதிச்சடங்கு ஊர்வலம் ஆரம்பமாகவுள்ளது.

அதனைத் தொடர்ந்து, பல்வேறு மாகாணங்களுக்கு எடுத்துச் செல்லப்படும் அவரது உடல், ஜூலை 9ஆம் திகதி ஈரானின் புனித நகரான மஷ்ஹாத்தில் நல்லடக்கம் செய்யப்படவுள்ளது.

உலகத் தலைவர்கள் பலருக்கும் இந்த இறுதிச்சடங்கு நிகழ்வில் கலந்துகொள்ள ஈரானிய அரசாங்கத்தால் அழைப்பு விடுக்கப்பட்டுள்ளது

இந்தியப் பிரதமர் நரேந்திர மோடிக்கும் இந்த இறுதிச்சடங்கில் பங்கேற்க உத்தியோகபூர்வ அழைப்பு விடுக்கப்பட்டிருந்தது.

எனினும், இந்தோனேசியா, ஆஸ்திரேலியா மற்றும் நியூசிலாந்து ஆகிய நாடுகளுக்குப் பிரதமர் மோடி முன்கூட்டியே திட்டமிட்ட உத்தியோகபூர்வ இராஜதந்திரப் பயணங்களை மேற்கொள்ளவிருப்பதால், அவரால் இந்த இறுதிச்சடங்கில் நேரில் பங்கேற்க முடியாத சூழ்நிலை ஏற்பட்டுள்ளது.

ஈரான் ஜனாதிபதி மசூத் பெஜெஷ்கியான் விடுத்த உத்தியோகபூர்வ அழைப்பினை ஏற்று, இந்திய அரசாங்கத்தின் சார்பில் இரண்டு உயர்மட்டப் பிரதிநிதிகள் குழு இந்த இறுதிச்சடங்கில் பங்கேற்பதை இந்திய மத்திய வெளியுறவுத்துறை அமைச்சகம் உறுதிப்படுத்தியுள்ளது.

இதன்படி, இந்திய அரசு சார்பில் பீகார் மாநில ஆளுநர் லெப்டினன்ட் ஜெனரல் (ஓய்வு) சையத் அதா ஹஸ்னைன் மற்றும் மத்திய வெளியுறவுத்துறை இணை அமைச்சர் பவித்ரா மார்கெரிட்டா ஆகிய இரு உயர்மட்டப் பிரதிநிதிகள் ஈரானிற்குச் சென்று இறுதிச்சடங்கு நிகழ்வுகளில் கலந்துகொள்ளவுள்ளனர்.

மத்திய கிழக்கில் நிலவும் தற்போதைய பதற்றமான சூழ்நிலைக்கு மத்தியிலும், ஈரானுடனான நீண்டகால இராஜதந்திர மற்றும் வரலாற்று நட்புறவை நிலைநிறுத்தும் நோக்கில் இந்தியா இந்த உயர்மட்டப் பிரதிநிதிகளை அனுப்பவுள்ளமை சர்வதேச அரசியல் அரங்கில் முக்கியத்துவம் வாய்ந்ததாகப் பார்க்கப்படுகிறது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

145 0 0