உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

செம்மணியில் மேலும் 7 மனித எலும்புக்கூடுகள் அடையாளம்.!

இலங்கை செய்திகள் 5 மாதங்கள் முன்
121 பார்வைகள்

யாழ்ப்பாணம், செம்மணி மனிதப் புதைகுழியில் நேற்று முன்னெடுக்கப்பட்ட அகழ்வுப் பணிகளின் போது, புதிதாக மேலும் 7 மனித என்புத் தொகுதிகள் அடையாளம் காணப்பட்டுள்ளன. இதன் மூலம் செம்மணி மனிதப் புதைகுழியில் இதுவரை அடையாளம் காணப்பட்டுள்ள மொத்த என்புத் தொகுதிகளின் எண்ணிக்கை 387 ஆக அதிகரித்துள்ளது.

செம்மணி மனிதப் புதைகுழியில் மூன்றாம் கட்ட அகழ்வுப் பணிகளின் 28ஆம் நாள் அகழ்வாய்வு நேற்று இடம்பெற்றது. இதன்போது புதிதாக 7 மனித என்புத் தொகுதிகள் கண்டறியப்பட்டு, அவை முறையாகச் சுத்தம் செய்யப்பட்டு அவற்றுக்கான உத்தியோகபூர்வ இலக்கங்கள் இடப்பட்டன. அத்துடன், நேற்று சிறுவர் ஒருவருடைய என்புத் தொகுதி உட்பட 5 மனித என்புத் தொகுதிகள் புதைகுழியிலிருந்து முழுமையாக அகழ்ந்து எடுக்கப்பட்டுள்ளன.

இதன்படி, செம்மணி மனிதப் புதைகுழியின் தடயவியல் அகழ்வாய்வுத் தளம் ஒன்று மற்றும் இரண்டு ஆகிய இரண்டு பிரிவுகளிலிருந்தும் இதுவரை மொத்தமாக 387 மனித என்புத் தொகுதிகள் அடையாளம் காணப்பட்டுள்ளன. இவற்றுள் 367 மனித என்புத் தொகுதிகள் இதுவரை முழுமையாக அகழ்ந்து எடுக்கப்பட்டுள்ளன.

நேற்று தளம் இரண்டில் நடத்தப்பட்ட அகழ்வின் போது, உயிரிழந்தவர்கள் அணிந்திருந்த மற்றும் அவர்கள் உடல்களுடன் புதைக்கப்பட்ட சில முக்கிய சான்றுப் பொருட்களும் கண்டெடுக்கப்பட்டுள்ளன.

சில சிறிய பாசி மணித் துண்டுகள், 358 ஆம் இலக்கமிடப்பட்ட என்புத் தொகுதியின் நெஞ்சுப் பகுதியில் இருந்து உடைந்த நிலையில் அடையாளம் காணப்பட்ட கை வளையல் துண்டுகள், சில ஆணிகள் மற்றும் பிளாஸ்டிக் பொருட்கள் என்பனவே சான்றுப் பொருட்களாக கண்டெடுக்கப்பட்டுள்ளன.

அகழ்ந்தெடுக்கப்பட்ட இந்தச் சான்றுப் பொருட்கள் அனைத்தும் உரிய முறையில் சுத்தம் செய்யப்பட்டு, இலக்கமிடப்பட்டு, வழக்கின் முக்கிய சான்றுகளாக நீதிமன்றக் கட்டுக்காவலில் வைக்கப்பட்டுள்ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

நிந்தவூர் கடலில் காணாமல் போன இளைஞர்கள் இருவரையும் தேடும் பணிகள் தீவிரம்!

அம்பாறை மாவட்டம், நிந்தவூர் கடற்கரையில் இன்று (20) மதியம் கடலில் நீராடச் சென்றவர்களில் திடீரென அலையில் இழுத்துச் செல்லப்பட்டவர்களுள் ஒருவர் உயிருடன் மீட்கப்பட்டு அம்பாறை பொது வைத்தியசாலையின்…

151 0 0
இலங்கை செய்திகள்

மோட்டார் சைக்கிளும் லொறியும் மோதி கோர விபத்து: 23 வயது இளைஞன் உயி@ரிழப்பு

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் இன்று (20) வெள்ளிக்கிழமை மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

139 0 0
இலங்கை செய்திகள்

மூச்சுத் திணறல் காரணமாக 36 மாணவர்கள் வைத்தியசாலையில் அனுமதி!

மூச்சுத் திணறல் காரணமாக மஸ்கெலியா புனித ஜோசப் தேசிய பாடசாலையின் 36 மாணவர்கள் இன்று (20) மஸ்கெலியா பிரதேச வைத்தியசாலையில் அனுமதிக்கப்பட்டுள்ளனர். இன்று (20) காலை 8.45…

134 0 0
இலங்கை செய்திகள்

யாழில். திறந்தவெளியில் குப்பை எரிப்பு – நீதிமன்றில் விரிவான அறிக்கை சமர்ப்பிக்கப்படும் என அறிவிப்பு

யாழ்ப்பாணம் மாநகர சபை அதிகார எல்லைக்குள் திறந்தவெளியில் குப்பைகள் எரிக்கப்படுவது தொடர்பிலான விரிவான அறிக்கையொன்றை எதிர்வரும் காலத்தில் நீதிமன்றத்தில் சமர்ப்பிக்கவுள்ளதாக, அந்நகர சபையின் சார்பில் ஆஜரான சட்டத்தரணி…

141 0 0