அண்டை நாடுகளில் இஸ்ரேல் நடத்தி வரும் தாக்குதல்களால் மத்திய கிழக்கில் போர் மேலும் தீவிரம்!

காசா துறைமுகத்தில் உள்ள மக்கள் நெரிசல்மிக்க சிற்றுண்டிச்சாலை ஒன்றின் மீது இஸ்ரேல் நடத்திய வான்வழித் தாக்குதலில் இருவர் கொல்லப்பட்டுள்ளனர்.

அத்துடன், லெபனானின் தெற்குப் பகுதியில் ஹிஸ்புல்லா அமைப்பின் பலம் வாய்ந்த மூலோபாய மலைப்பகுதியை இஸ்ரேலிய இராணுவம் தனது கட்டுப்பாட்டிற்குள் கொண்டு வந்துள்ளது.

பாலஸ்தீனத்தின் காசா நகரில் கடந்த அக்டோபர் மாதம் எட்டப்பட்ட “போர்நிறுத்த” ஒப்பந்தத்தையும் மீறி இஸ்ரேல் தொடர்ந்து வான்வழித் தாக்குதல்களை நடத்தி வருகிறது.

காசா துறைமுகப் பகுதியில் உள்ள ஒரு பிரபலமான சிற்றுண்டிச்சாலை மீது இஸ்ரேலிய போர் விமானங்கள் குண்டுமழை பொழிந்தன.

பொது விடுமுறை தினத்தை முன்னிட்டு, கடுமையான கோடை வெப்பத்திலிருந்து தப்பிப்பதற்காகப் பொதுமக்கள் பலர் அங்கே குழுமியிருந்த வேளையிலேயே இத்தாக்குதல் நடத்தப்பட்டுள்ளது.

இதில் குறைந்தது இரண்டு பாலஸ்தீனியர்கள் கொல்லப்பட்டதுடன், 12-க்கும் மேற்பட்டோர் படுகாயமடைந்துள்ளனர்.

இந்நிலையில், அமெரிக்காவுடன் மேற்கொள்ளப்படும் எந்தவொரு அமைதி உடன்படிக்கையிலும் லெபனான் போர்நிறுத்தத்திற்கான உத்தரவாதம் சேர்க்கப்பட வேண்டும் என ஈரான் வலியுறுத்தியுள்ளது.

தெற்கு லெபனானில் இடைக்காலக் கோட்டை ஒன்று அமைந்துள்ள மிக முக்கியமான மூலோபாய மலைக்குன்றை இஸ்ரேலிய இராணுவம் தற்போது கைப்பற்றியுள்ளது.

தெற்கு லெபனானை ஆக்கிரமித்துள்ள இஸ்ரேலியப் படைகள் மற்றும் வடக்கு இஸ்ரேல் எல்லைக்குள் இருக்கும் இராணுவ முகாம்களைக் குறிவைத்து ஹிஸ்புல்லா அமைப்பு ஆயுதம் தாங்கிய ட்ரோன்கள் (Armed Drones) மூலம் கடுமையான தாக்குதல்களை நடத்தி வருகிறது.

தில் இஸ்ரேலியப் படையினருக்குப் பெரும் உயிர்ச்சேதங்கள் ஏற்பட்டுள்ளதால், இஸ்ரேல் அரசு தன் நாட்டு மக்கள் மத்தியில் கடுமையான விமர்சனங்களைச் சந்தித்து வருகிறது.

விமர்சனங்களைச் சந்தித்து வருகிறது.