கொங்கோவுடனான எல்லையை மூடியது  உகாண்டா!

கொங்கோ குடியரசில் அரிய வகை ‘எபோலா’ (Ebola) வைரஸ் தொற்று வேகமாகப் பரவி வருவதை அடுத்து, அந்த நாட்டுடனான எல்லையை உடனடியாக மூடுவதற்கு உகண்டா உத்தரவிட்டுள்ளது.

கொங்கோவில் கடந்த மே 15ஆம் திகதி எபோலா பரவல் அதிகாரபூர்வமாக அறிவிக்கப்படுவதற்கு முன்னதாகவே, அங்கிருந்து எல்லை கடந்து வந்த சில நோயாளிகள் மூலம் உகண்டா சுகாதாரப் பணியாளர்களுக்கு வைரஸ் தொற்று ஏற்படும் அபாயம் அதிகரித்துள்ளது.

இந்தச் சூழ்நிலையில், உகண்டா தேசிய எபோலா தடுப்புப் பணிக்குழுவின் அவசரத் தீர்மானத்திற்கு அமைய இந்த எல்லை மூடல் நடவடிக்கை எடுக்கப்பட்டுள்ளது.

கொங்கோவில் தற்போது பரவி வரும் அரிய வகை எபோலா தொற்றினால் நூற்றுக்கணக்கானோர் பாதிக்கப்பட்டுள்ளதுடன், உயிரிழப்புகளும் பதிவாகியுள்ளன.

இந்த நிலையில், அண்டை நாடான உகண்டாவிற்குள் இந்த ஆபத்தான வைரஸ் பரவுவதைத் தடுக்கும் நோக்கில் இந்த அதிரடி உத்தரவு பிறப்பிக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.