முதலமைச்சர் விஜய் குறித்து அவதூறான கருத்துகளைப் பரப்பிய நபர் கைது

சமூக வலைதளங்களில் முதலமைச்சர் விஜய் குறித்து அவதூறான கருத்துகளைப் பரப்பியதாக நெல்லையைச் சேர்ந்த ஜேம்ஸ் ராஜா என்பவர் கைது செய்யப்பட்டுள்ளார்.

பாளையங்கோட்டையைச் சேர்ந்த ஜேம்ஸ் ராஜா, பெங்களூருவில் உள்ள அப்பிள் (Apple) நிறுவனத்தில் ஊழியராகப் பணியாற்றி வருகிறார்.

உடல்நலக்குறைவு காரணமாக விடுப்பில் சொந்த ஊருக்கு வந்திருந்த இவர், சூலூர் சிறுமி கொ*லை விவகாரத்தை முன்னிறுத்தி முதலமைச்சருக்கு எதிராக ஆபாச வார்த்தைகளால் அவதூறு பதிவிட்டதாகக் குற்றச்சாட்டு எழுந்தது.

இது குறித்து பாளையங்கோட்டை பொலிஸ் உதவி ஆய்வாளர் உத்தியோகபூர்வமாக முறைப்பாடு அளித்தார்.

அந்த முறைப்பாட்டின் அடிப்படையில், ஜேம்ஸ் ராஜாவுக்கு எதிராக நான்கு பிரிவுகளின் கீழ் வழக்குப்பதிவு செய்த பொலிஸார், அவரைக் கைது செய்து சிறையிலடைப்பதற்கான நடவடிக்கைகளை மேற்கொண்டு வருகின்றனர்.

இதேவேளை, சூலூர் சிறுமி கொலை வழக்கில் ஏற்கனவே இருவர் பொலிஸாரால் கைது செய்யப்பட்டுள்ளமை குறிப்பிடத்தக்கது.