பிரான்ஸில் நடைபெற்று வரும் கேன்ஸ் திரைப்பட விழாவில் (2026) பங்கேற்க வந்திருந்த மிஸ் வெனிசுவேலா அழகி ஆண்ட்ரியா டெல் வால் ஒப்பனையாளரால் தாக்காப்பட்டுள்ளார்.
தான் தங்கியிருந்த உணவகத்தின் அறையில் வைத்து தான் கொடூரமாகத் தாக்கப்பட்டுள்ளதாக அவர் கூறியுள்ளார்.
பிரபல லத்தீன் அமெரிக்க ஒப்பனையாளரான ஜியோவானி லகுனா என்பவரே இந்தத் தாக்குதலை நடத்தியுள்ளதாகச் சர்வதேச ஊடகங்கள் தெரிவிக்கின்றன.
முகத்தில் இரத்தக் காயங்களுடன் அழகி ஆண்ட்ரியா வெளியிட்ட நேரடி சமூக வலைத்தள காணொளி மூலம் இச்சம்பவம் வெளிச்சத்திற்கு வந்துள்ளது.
உணவகத்தின் அறை சத்தத்தைக் கேட்டு ஏனைய விருந்தினர்கள் வழங்கிய தகவலின் அடிப்படையில், பிரான்ஸ் போலீஸார் சம்பவ இடத்திற்கு விரைந்து அழகியை மீட்டனர்.
காயமடைந்த ஆண்ட்ரியா மருத்துவமனையில் அனுமதிக்கப்பட்டு தற்போது நலமுடன் உள்ளதாக மருத்துவர்கள் தெரிவித்துள்ளனர்.
தாக்குதலை நடத்திய ஒப்பனையாளர் ஜியோவானி லகுனாவை பொலிஸார் கைது செய்துள்ளதாகவும் தெரிவிக்கப்படுகின்றது.
குறித்த தாக்குதலுக்கான துல்லியமான காரணம் இன்னும் அறியப்படாத நிலையில், பிரான்ஸ் போலீஸார் மேலதிக விசாரணைகளை மேற்கொண்டு வருகின்றனர்.
