உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

உள்ளாட்சி மற்றும் பிராந்திய தேர்தல்களை முன்னிட்டு, நாடு முழுவதும் தீவிர பாதுகாப்பு !

உலக செய்திகள் 7 மாதங்கள் முன்
84 பார்வைகள்

பிரித்தானியாவில் இன்றைய தினம் நடைபெறுகின்ற உள்ளாட்சி மற்றும் பிராந்திய தேர்தல்களை முன்னிட்டு, நாடு முழுவதும் பாதுகாப்பு நடவடிக்கைகள் தீவிரப்படுத்தப்பட்டுள்ளன.

வாக்காளர்கள் அச்சமின்றி தங்கள் ஜனநாயக உரிமையைப் பயன்படுத்துவதற்காக, பல்வேறு பாதுகாப்பு அமைப்புகள் இணைந்து விரிவான கண்காணிப்பு நடவடிக்கைகளை மேற்கொண்டுள்ளன.

குறிப்பாக, லண்டன் பெருநகர காவல் சேவை உட்பட பல பிராந்திய காவல்துறை பிரிவுகள், முக்கிய நகரங்கள், போக்குவரத்து மையங்கள் மற்றும் வாக்குச்சாவடிகள் அமைந்துள்ள பகுதிகளில் பாதுகாப்பு பணியை அதிகரித்துள்ளதாக தெரிவித்துள்ளன.

இதன் கீழ், வாக்குச்சாவடிகளுக்கு அருகில் கூடுதல் காவல்துறை அதிகாரிகள் நியமிக்கப்பட்டுள்ளனர். அத்துடன், சந்தேகத்திற்கிடமான நகர்வுகளை கண்காணிக்க சிசிடிவி மற்றும் உயர் தொழில்நுட்ப கண்காணிப்பு வசதிகளும் பயன்படுத்த உள்ளதாக பெருநகர காவல்துறை அறிவித்துள்ளது.

மேலும், முக்கிய நகரங்களில் ரோந்து பணிகள் அதிகரிக்கப்பட்டுள்ளதுடன், அவசரநிலை ஏற்படும் சூழ்நிலைகளில் விரைவு நடவடிக்கை அணிகளும் தயார் நிலையில் வைக்கப்பட்டுள்ளன.

இதேவேளை, தேர்தல் நடவடிக்கைகளை பாதிக்கக்கூடிய சைபர் தாக்குதல்கள் அல்லது தவறான தகவல் பரவல்களைத் தடுக்கும் நோக்கில், டிஜிட்டல் பாதுகாப்பு அமைப்புகள் பலப்படுத்தப்பட்டுள்ளதாக காவல்துறை கூறியுள்ளது.

தேர்தல் ஆணையம், தகவல் தொழில்நுட்ப பாதுகாப்பு நிபுணர்கள் மற்றும் காவல்துறை இணைந்து இணைய வழி அச்சுறுத்தல்களை கண்காணித்து வருவதாக தெரிவிக்கப்பட்டுள்ளது. மேலும், மக்கள் அதிகமாக கூடும் பகுதிகள், நகர மையங்கள், அரசியல் கட்சிகளின் தேர்தல் முகாம்கள் மற்றும் அதன் சுற்றுவட்டாரங்களிலும் விசேட கண்காணிப்பு முன்னெடுக்கப்பட்டுள்ளது.

சமூக அமைதியை குலைக்கும் முயற்சிகள், போராட்டங்கள் அல்லது மோதல்களைத் தடுக்க முன்கூட்டியே நடவடிக்கைகள் எடுக்கப்பட்டுள்ளதாகவும் காவல்துறை அறிவித்துள்ளது.

தேர்தல் முடிவுகள் பிரித்தானிய அரசியலில் பல்வேறு தாக்கங்களை ஏற்படுத்தும் என கருத்துக் கணிப்புகள் வெளியாகியுள்ளதால் பாதுகாப்பு ஏற்பாடுகள் இதுவரை இல்லாத அளவிற்கு வலுப்படுத்தப்பட்டுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0