உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

துருக்கியில் பதுங்கியிருந்த தாவூத் கூட்டாளி சலீம் டோலா பிடிபட்டது எப்படி?

உலக செய்திகள் 7 மாதங்கள் முன்
108 பார்வைகள்

வெளி​நாடு​களில் இருந்து பென்​டானில், ஹெரா​யின், கோகைன் ஆகிய போதைப் பொருட்​கள் இந்​தி​யா​வுக்கு கடத்தி வரப்​படும் சம்​பவங்​கள் அதி​கரித்து வரு​கின்​றன. இதை முறியடிக்க இந்​திய போதைப் பொருள் தடுப்பு பிரிவு (என்​சிபி) அதி​காரி​கள் கடந்த 3 ஆண்​டு​களுக்கு முன்பு “ஆபரேஷன் குளோபல் ஹன்ட்” என்ற ரகசிய நடவடிக்​கை​யைத் தொடங்​கினர்.

இதன்​படி என்​சிபி, மும்பை காவல் துறை, குஜ​ராத் தீவிர​வாத எதிர்ப்​புப் படை ஆகியவை ஒன்​றிணைந்து செயல்​பட்​டு, இன்​டர்​போல் உதவி​யுடன் சர்​வ​தேச போதை கும்​பல்​களை வேட்​டை​யாடும் பணி​யைத் தொடங்​கியது.

முதல்​கட்​ட​மாக உள்​நாடு, வெளி​நாடு​களில் செயல்​படும் 100-க்​கும் மேற்​பட்ட போதைப்​பொருள் கும்​பல்​களை ஒழிக்க இலக்கு நிர்​ண​யிக்​கப்​பட்​டது. “ஆபரேஷன் குளோபல் ஹன்ட்” நடவடிக்​கை​யின் போது மும்பை நிழல் உலக தாதா தாவூத் இப்​ராகிமின் நெருங்​கிய கூட்​டாளி சலீம் டோலா துருக்​கி​யில் பதுங்​கி​யிருப்​பது தெரிய வந்​தது. அவரை கைது செய்ய இன்​டர்​போல் மூலம் கடந்த 2024 ஆம் ஆண்டு மார்ச் மாதம் ரெட் கார்​னர் நோட்​டீஸ் பிறப்​பிக்​கப்​பட்​டது.

துருக்கி பாது​காப்​புப் படை​யினரின் நீண்ட தேடலுக்​குப் பிறகு இஸ்​தான்​புல் நகரில் சலீம் டோலா அண்​மை​யில் கைது செய்​யப்​பட்​டார். பின்​னர் அவர் இந்​தி​யா​வுக்கு நாடு கடத்​தப்​பட்​டார். கடந்த 28-ம் தேதி இந்​தி​யா​வுக்கு கொண்டு செல்​லப்​பட்ட டோலா, மும்பை நீதி​மன்​றத்தில் ஆஜர்​படுத்​தப்​பட்​டார்.

அவரை மே 8 ஆம் திகதி வரை போலீஸ் காவலில் விசா​ரிக்க நீதி​மன்​றம் அனு​மதி வழங்​கியது. இதன்​பேரில் அவரிடம் தீவிர விசா​ரணை நடத்​தப்​பட்டு வரு​கிறது.

இதுதொடர்​பாக போதைப் பொருள் தடுப்​புப் பிரிவு வட்​டாரங்​கள் கூறிய​தாவது: மகா​ராஷ்டிர தலைநகர் மும்​பை​யின் டோங்ரி பகு​தியை சேர்ந்த சலீம் டோலா, ஆரம்ப காலத்​தில் மும்​பை, டெல்​லி​யில் குட்கா விற்​பனை​யில் ஈடு​பட்டு வந்​தார். பின்​னர் அவருக்கு தாவூத் இப்​ராகி​முடன் தொடர்பு ஏற்​பட்​டது.

அதன்​பிறகு போதைப் பொருள் கடத்​தலில் ஈடு​படத் தொடங்​கி​னார். அப்​போது பலமுறை மும்பை போலீ​ஸிடம் அவர் பிடிபட்​டார். கடந்த 10 ஆண்​டு​களுக்கு முன்பு இந்​தி​யா​வில் இருந்து வெளி​நாட்​டுக்கு சலீம் டோலா தப்​பியோடி​னார்.


இந்​திய போதைப் பொருள் தடுப்​புப்பிரிவு அதி​காரி​கள், “ஆபரேஷன் குளோபல் ஹன்ட்” நடவடிக்​கை​யின் மூலம் டோலா​வின் சர்​வ​தேச வலை​யமைப்பை கண்​டறிந்​தனர். மகா​ராஷ்டி​ரா​வின் சாங்​லி, குஜ​ராத்​தின் சூரத், ஐக்​கிய அரபு அமீரகத்​தின் துபாய், துருக்​கி​யின் இஸ்​தான்​புல் நகரங்​களை மைய​மாக வைத்து டோலா செயல்​பட்டு வரு​வது தெரிய வந்​தது.

இதைத் தொடர்ந்து துபா​யில் வசித்து வந்த டோலா​வின் மகன் தாஹீர், மரு​மகன் முஸ்​தபா ஆகியோர் கைது செய்​யப்​பட்டு இந்​தி​யா​வுக்கு கொண்டு செல்​லப்​பட்​டனர். தற்​போது துருக்​கி​யின் இஸ்​தான்​புல் நகரில் சலீம் டோலா கைது செய்​யப்​பட்​டு, இந்​தி​யா​வுக்கு கொண்டு செல்​லப்​பட்​டார். பல்​கேரியா நாட்​டின் பாஸ்​போர்ட்​டில் ஹம்சா என்ற பெயரில் டோலா தலைமறை​வாக வாழ்ந்து வந்​துள்​ளார்.

அவர் கைது செய்​யப்​பட்டு இருப்​ப​தன் மூலம் இந்​தியா மட்​டுமன்றி சர்​வ​தேச அளவில் போதைப் பொருள் கடத்​தல் கும்​பல்​கள் பிடிபடும்​. இவ்​வாறு போதைப்​ பொருள்​ தடுப்​பு பிரிவு வட்​டாரங்​கள்​ தெரிவித்​துள்​ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0