உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

வட அயர்லாந்து கார் குண்டு வெடிப்பு ; பச்சிளம் குழந்தைகள் நூலிழையில் உயிர் தப்பினர் !

உலக செய்திகள் 7 மாதங்கள் முன்
76 பார்வைகள்

வட அயர்லாந்தின் டன்முரி (Dunmurry) பகுதியில் பொலிஸ் நிலையத்திற்கு அருகில் நிகழ்ந்த கார் குண்டு வெடிப்புச் சம்பவம் தொடர்பான மேலதிக விபரங்கள் வெளியாகியுள்ளன.

வட அயர்லாந்தின் பெல்பாஸ்ட் நகருக்கு அருகிலுள்ள டன்முரி பொலிஸ் நிலையத்திற்கு வெளியே நேற்றுமுன்தினம் இரவு நிகழ்ந்த கார் குண்டு வெடிப்பில், இரண்டு பச்சிளம் குழந்தைகள் உட்படப் பல குடியிருப்பாளர்கள் உயிர் தப்பியதாகப் பொலிஸார் தெரிவித்துள்ளனர்.

மேற்கு பெல்பாஸ்டின் ட்வின்ப்ரூக் (Twinbrook) பகுதியில் உணவு விநியோகம் செய்யும் ஒருவரின் கார் கடத்தப்பட்டு (Hijack), அதன் பின்பகுதியில் எரிவாயு சிலிண்டர் மூலம் தயாரிக்கப்பட்ட வெடிகுண்டு ஒன்று வைக்கப்பட்டது.

பின்னர், அந்த வாகனத்தைச் சாரதி மிரட்டப்பட்டு டன்முரி பொலிஸ் நிலையத்திற்கு ஓட்டிச் செல்லுமாறு பணிக்கப்பட்டுள்ளார்.

இந்நிலையில் பொலிஸ் நிலையத்திற்கு முன்னால் கார் கைவிடப்பட்டதைக் கவனித்த அதிகாரிகள், தங்களின் உயிரையும் பொருட்படுத்தாது உடனடியாகச் செயல்பட்டு அருகிலிருந்த வீடுகளில் இருந்தவர்களை வெளியேற்றினர்.

குடியிருப்பாளர்கள் மற்றும் இரண்டு பச்சிளம் குழந்தைகளை அதிகாரிகள் பாதுகாப்பான இடத்திற்கு அழைத்துச் சென்றுகொண்டிருந்த போதே அந்த வாகனம் பெரும் சத்தத்துடன் வெடித்துச் சிதறித் தீப்பிடித்தது.

இதேவேளை, கடந்த மாதம் லர்கன் (Lurgan) பகுதியில் நடந்த வெடிப்புச் சம்பவத்துடன் இதற்குத் தொடர்பு இருப்பதால், இதன் பின்னணியில் ‘நியூ ஐ.ஆர்.ஏ’ (New IRA) என்ற தீவிரவாத அமைப்பு இருக்கலாம் எனச் சந்தேகிக்கப்படுகிறது.

பயங்கரவாத எதிர்ப்புப் பிரிவினர் இந்த விபத்து குறித்த விசாரணைகளை முன்னெடுத்து வருகின்றனர். பொலிஸ் அதிகாரிகளின் துரிதமான மற்றும் துணிச்சலான நடவடிக்கையினால் பெரும் உயிர்ச்சேதம் தவிர்க்கப்பட்டுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0