உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

கோட்டைக்கு அடியில் மறைந்துள்ள பிரித்தானியாவின் வரலாற்றையே மாற்றியமைக்கும் பிரம்மாண்ட குகை அடையாளம்!

உலக செய்திகள் 7 மாதங்கள் முன்
81 பார்வைகள்

பிரித்தானியாவின் பெம்ப்ரோக்ஷையர் (Pembrokeshire) பகுதியில் உள்ள 11-ஆம் நூற்றாண்டு கோட்டை ஒன்றின் கீழ் மறைந்துள்ள பிரம்மாண்ட குகை, மனித வரலாற்றின் ஆரம்ப காலத்தைப் பற்றிய புரிதலை முற்றாக மாற்றியமைக்கும் என ஆராய்ச்சியாளர்கள் தெரிவித்துள்ளனர்.

பெம்ப்ரோக் கோட்டைக்கு அடியில் அமைந்துள்ள ‘வோகன் குகை’ (Wogan Cavern) எனப்படும் இந்த இடத்தில் மேற்கொள்ளப்பட்ட ஆரம்பகட்ட அகழ்வாராய்ச்சிகளில், 1,20,000 ஆண்டுகளுக்கு முன்பு வேல்ஸ் பகுதியில் சுற்றித் திரிந்த நீர்யானையின் எலும்புகள் கண்டெடுக்கப்பட்டுள்ளன.

இது தவிர, மாமத் யானைகள் மற்றும் உரோமக் காண்டாமிருகங்களின் (Woolly Rhinoceros) நன்கு பாதுகாக்கப்பட்ட எலும்பு எச்சங்களும் மீட்கப்பட்டுள்ளன.

75 அடி நீளமும், 32 அடி உயரமும் கொண்ட இந்த குகை மிகவும் பிரம்மாண்டமானது.

விக்டோரியன் காலத்தில் தோண்டப்பட்டதாகக் கருதப்படும் இந்தக் குகைக்கு, கோட்டையிலிருந்து சுழல் ஏணி வழியாகச் செல்ல முடியும்.

2021 முதல் 2024 வரையிலான ஆய்வுகளில், 1,00,000 ஆண்டுகளுக்கும் மேலான மனித மற்றும் விலங்குகளின் நடமாட்டத்திற்கான ஆதாரங்கள் இங்கு புதைந்து கிடப்பது உறுதி செய்யப்பட்டுள்ளது.

இந்தத் திட்டம் குறித்து அபெர்டீன் பல்கலைக்கழகத்தின் கலாநிதி ராப் டின்னிஸ் (Dr. Rob Dinnis) கூறுகையில்:
“இது போன்ற ஒரு தளம் பிரித்தானியாவிலேயே இல்லை. இது வாழ்நாளில் ஒருமுறை மட்டுமே கிடைக்கக்கூடிய அரிய கண்டுபிடிப்பு. இங்கு ‘ஹோமோ சேபியன்ஸ்’ (Homo sapiens) மற்றும் அவர்களுக்கு முந்தைய ‘நியாண்டர்தால்கள்’ (Neanderthals) வாழ்ந்ததற்கான மிக அரிதான சான்றுகள் கிடைக்கத் தொடங்கியுள்ளன.” என தெரிவித்துள்ளார்.

இந்தக் குகையின் முக்கியத்துவத்தைக் கருத்திற்கொண்டு, அபெர்டீன் பல்கலைக்கழகம் அடுத்த ஐந்து ஆண்டுகளுக்குப் பெரிய அளவிலான அகழ்வாராய்ச்சித் திட்டத்தை முன்னெடுக்கவுள்ளது.

இதன் மூலம்: 11,500 ஆண்டுகளுக்கு முந்தைய வேட்டைக்காரர்கள் பற்றிய தகவல்கள், 45,000 ஆண்டுகளுக்கு முந்தைய ஆரம்பகால மனிதர்களின் வாழ்வியல், பனி யுகத்திற்குப் பிந்தைய கால மாற்றங்கள்,
ஆகியவற்றை விரிவாகப் புரிந்துகொள்ள முடியும் என ஆராய்ச்சியாளர்கள் நம்புகின்றனர்.

பிரித்தானியாவின் ஆரம்பகால மனித வரலாற்றைப் பதிவு செய்யும் மிக முக்கியமான ஆவணமாக ‘வோகன் குகை’ உருவெடுத்துள்ளமை சர்வதேசத் தொல்பொருள் ஆய்வாளர்களின் கவனத்தை ஈர்த்துள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0