உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

பல ஆண்டு காலப் போராட்டம்: மருத்துவர்களால் கண்டுபிடிக்க முடியாத நோயை கண்டறிந்த ChatGPT !

உலக செய்திகள் 7 மாதங்கள் முன்
63 பார்வைகள்

பல ஆண்டுகளாக மருத்துவர்களால் தவறாகக் கணிக்கப்பட்ட தனது அரிய வகை நோயை, ‘ChatGPT’ செயற்கை நுண்ணறிவுத் தொழில்நுட்பத்தின் உதவியுடன் இளம்பெண் ஒருவர் கண்டறிந்துள்ள நெகிழ்ச்சியான சம்பவம் கார்டிஃப் (Cardiff) பகுதியில் நிகழ்ந்துள்ளது.

கார்டிஃப் பகுதியைச் சேர்ந்த 23 வயதுடைய ஃபோப் டெசோரியர் (Phoebe Tesoriere), தனது சிறுவயது முதலே உடல் சமநிலை இழப்பு மற்றும் நடப்பதில் சிரமம் போன்ற பிரச்சினைகளை எதிர்கொண்டு வந்துள்ளார்.

19 வயதில் இவருக்கு வலிப்பு ஏற்பட்டபோது, அது வெறும் ‘மனப்பதற்றம்’ (Anxiety) என்று மருத்துவர்களால் கூறப்பட்டது.

பின்னர் 2022-இல் இவருக்கு ‘வலிப்பு நோய்’ (Epilepsy) இருப்பதாகத் தவறாகக் கணிக்கப்பட்டு சிகிச்சையளிக்கப்பட்டது.

இந்நிலையில் 2025 ஜனவரியில் படிக்கட்டுகளில் இருந்து விழுந்த இவருக்கு ஏற்பட்ட பாதிப்புகள் குறித்து நடத்தப்பட்ட சோதனைகளும் எந்தத் தெளிவான முடிவையும் வைத்தியசாலைகள் தரவில்லை.

தொடர் வலிப்புகளால் மூன்று நாட்கள் கோமா நிலையில் இருந்த ஃபோப், தனது அறிகுறிகள் அனைத்தையும் ‘ChatGPT’ செயலியில் பதிவிட்டுள்ளார்.

இதன்போது அந்தத் தொழில்நுட்பம், அவருக்கு ‘பரம்பரை ஸ்பாஸ்டிக் பாராபிலீஜியா’ (Hereditary Spastic Paraplegia) என்ற அரிய வகை மரபணு நோய் இருக்கலாம் எனப் பரிந்துரைத்தது.

இந்தத் தகவலைத் தனது பொது மருத்துவரிடம் (GP) ஃபோப் வழங்கியுள்ளார்.

அதனைத் தொடர்ந்து மேற்கொள்ளப்பட்ட மரபணு சோதனையில் (Genetic Testing), அவருக்கு அந்த அரிய வகை நோய் இருப்பது உறுதி செய்யப்பட்டது.

இந்தச் சம்பவம் குறித்துக் கருத்துத் தெரிவித்துள்ள மருத்துவர் ரெபெக்கா டாம்லின்சன், மக்கள் தங்களது உடல்நலக் கவலைகளை ஆராய AI கருவிகளைப் பயன்படுத்தினாலும், இறுதி முடிவுகளை எடுப்பதற்கு முன்னர் கண்டிப்பாக மருத்துவ நிபுணர்களுடன் ஆலோசிக்க வேண்டும் என்று கேட்டுக்கொண்டுள்ளார்.

தற்போது சரியான சிகிச்சையைப் பெற்றுவரும் ஃபோப், பல ஆண்டுகளாகத் தான் எதிர்கொண்ட தனிமைக்கும் குழப்பத்திற்கும் ஒரு விடை கிடைத்திருப்பதாகத் தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0