உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

சில்லறை வர்த்தக குற்றங்களுக்கு எதிராக நடவடிக்கை எடுக்குமாறு மார்க்ஸ் அண்ட் ஸ்பென்சர்ஸ் வலியுறுத்தல்!

உலக செய்திகள் 8 மாதங்கள் முன்
64 பார்வைகள்

தங்கள் வர்த்தக நிலையங்களில் திருட்டு மற்றும் வன்முறைச் சம்பவங்கள் தொடர்ச்சியாக அதிகரித்துள்ள நிலையில் அவற்றைக் கடுமையாக ஒடுக்குவதற்கு நடவடிக்கை எடுக்குமாறு மார்க்ஸ் அண்ட் ஸ்பென்சர்ஸ் (Marks & Spencer) நிறுவனம் இங்கிலாந்து அரசாங்கத்தையும், லண்டன் மேயரையும் வலியுறுத்தியுள்ளது.

ஒழுங்கமைக்கப்பட்ட குற்றக் கும்பல்களால் வர்த்தக நிலையங்கள் குறிவைக்கப்படுவதால் ஊழியர்கள் பணிக்கு வருவது குறித்து அச்சத்துடன் உள்ளதாகவும் மார்க்ஸ் அண்ட் ஸ்பென்சர்ஸ் நிறுவனம் தெரிவித்துள்ளது.

இது தொடர்பில் குறித்த நிறுவனத்தின் தலைமைச் செயல் அதிகாரி ஸ்டூவர்ட் மச்சின், உள்துறைச் செயலாளர் ஷபானா மஹ்மூதுக்கும், லண்டன் மேயர் சாதிக் கானுக்கும் எழுதியுள்ள கடிதங்களில், குற்றங்களைத் திறம்படக் கையாள்வதற்கும், குற்றவாளிகளையும் குற்றச் சம்பவங்கள் அதிகம் நடக்கும் இடங்களையும் குறிவைப்பதற்கும் பொலிஸாருக்கு மேலதிக வளங்கள் தேவை என்றும் கூறியுள்ளார்.

தெற்கு லண்டனின் கிளாப்ஹாம் பகுதியில் கடந்த வார இறுதியில் பல நூறு இளைஞர்கள் அடங்கிய குழு ஒன்று சமூக விரோதச் செயல்களில் ஈடுபட்டதாக வந்த முறைப்பாடுகளை அடுத்து பொலிஸார் அங்கு சென்றனர்.

இதன்போது, அவர்களில் பலர் மார்க்ஸ் அண்ட் ஸ்பென்சர்ஸ் நிறுவனத்தின் வர்த்தக நிலையத்திற்குள் புகுந்து கொள்ளையில் ஈடுபட்டது கண்டறியப்பட்டது.

இவ்வாறான தொடர் திருட்டு சம்பவங்களின் பின்னணியில் மார்க்ஸ் அண்ட் ஸ்பென்சர்ஸ் நிறுவனத்தின் இந்த கோரிக்கை வந்துள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0