யாழ்ப்பாணம் பண்ணைப் பகுதியில் விபத்து!
யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட மோட்டார் சைக்கிள்கள் மீது மோதி அவற்றைச் சேதப்படுத்தியது.
யாழ். நகரிலிருந்து தீவகம் நோக்கிச் சென்ற மகிழுந்து, பண்ணைக் கடற்கரைப் பூங்கா அருகே பயணித்தபோது அதன் சில்லொன்றிலிருந்து காற்று வெளியேறியதால் கட்டுப்பாட்டை இழந்ததாகத் தெரிவிக்கப்படுகிறது.
ஞாயிற்றுக்கிழமை விடுமுறையை முன்னிட்டு பூங்காவில் பெருமளவான மக்கள் கூடியிருந்த நிலையில், விபத்தால் அப்பகுதியில் பரபரப்பு ஏற்பட்டது.
சம்பவ இடத்துக்கு விரைந்த பொலிஸார் போக்குவரத்தைச் சீரமைத்ததுடன், விபத்து தொடர்பான விசாரணைகளையும் முன்னெடுத்து வருகின்றனர்.


