கல்முனை பொலிஸாரிடம் அல்-அஸ்ஹர் வித்தியாலயம் நன்றிக் கடிதம் கையளிப்பு
கமு/கமு/அல்-அஸ்ஹர் வித்தியாலயத்தில் தெரிவு செய்யப்பட்ட மாணவர் தலைவர்களுக்கு வீதிப் போக்குவரத்து ஒழுங்கு விதிகள் தொடர்பாக கல்முனை பொலிஸ் தலைமை அலுவலகத்தினால் அண்மையில் நடாத்தப்பட்ட விழிப்புணர்வு செயலமர்வுக்கு நன்றி தெரிவிக்கும் வகையிலான நன்றிக் கடிதம் நேற்று (19) உத்தியோகபூர்வமாகக் கையளிக்கப்பட்டது.
பாடசாலை அதிபர் ஏ.ஜீ.எம்.றிஷாத் அவர்களினால் கல்முனை பொலிஸ் தலைமை அலுவலகத்தின் வீதிப் போக்குவரத்துப் பொலிஸ் பொறுப்பதிகாரியிடம் குறித்த நன்றிக் கடிதம் கையளிக்கப்பட்டது.
மாணவர்கள் மத்தியில் வீதிப் போக்குவரத்து ஒழுங்கு விதிகள் தொடர்பான விழிப்புணர்வை ஏற்படுத்தி, எதிர்காலத்தில் பொறுப்புணர்வுள்ள வீதிப் பயனாளர்களாக அவர்களை உருவாக்கும் நோக்கில் முன்னெடுக்கப்பட்ட இச்செயலமர்வு மிகவும் பயனுள்ளதாக அமைந்ததாக அதிபர் இதன்போது குறிப்பிட்டார்.
மேலும், பாடசாலை மாணவர்களின் பாதுகாப்பு மற்றும் சமூகப் பொறுப்புணர்வை மேம்படுத்தும் இவ்வாறான பயனுள்ள செயற்பாடுகளுக்கு ஒத்துழைப்பு வழங்கிய கல்முனை பொலிஸ் தலைமை அலுவலகத்திற்கும், வீதிப் போக்குவரத்துப் பொலிஸ் பிரிவினருக்கும் பாடசாலைச் சமூகம் சார்பில் நன்றிகளும் பாராட்டுகளும் தெரிவிக்கப்பட்டுள்ளன.


