உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

இஸ்ரேலிடமிருந்து ட்ரோன்கள் கொள்வனவு; ரவூப் ஹக்கீமின் விமர்சனத்திற்கு முபாறக் அப்துல் மஜீத் பதிலடி.!

இலங்கை செய்திகள் 6 நாட்கள் முன்
108 பார்வைகள்

இலங்கை அரசாங்கம் இஸ்ரேலிடமிருந்து ட்ரோன் இயந்திரங்களைக் கொள்வனவு செய்தமை தொடர்பில் ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் முன்வைத்துள்ள விமர்சனங்களுக்கு, இலங்கை உலமா கட்சியின் தலைவர் முபாறக் அப்துல் மஜீத் கடுமையான கண்டனத்தையும் பதிலடியையும் வெளியிட்டுள்ளார்.

இது குறித்து அவர் வெளியிட்டுள்ள விசேட ஊடக அறிக்கையில் மேலும் குறிப்பிடப்பட்டுள்ளதாவது,
ரவூப் ஹக்கீம் மற்றும் முஸ்லிம் காங்கிரஸைப் பொறுத்தவரை, ஆளும் கட்சியில் அமைச்சராக இருக்கும் காலப்பகுதியில் பதவிகளையும் சலுகைகளையும் பெற்றுக்கொண்டு அரசாங்கத்தின் அனைத்துத் தீர்மானங்களுக்கும் ஆதரவளிப்பதும், அரசாங்கத்தில் இணைத்துக் கொள்ளப்படாத சந்தர்ப்பங்களில் மாத்திரம் எதிர்ப்புக் குரல் எழுப்புவதுமே கடந்த 26 வருட கால வரலாறாக இருந்து வருகின்றது.

இலங்கையிலிருந்து இஸ்ரேலை வெளியேற்றியது சுதந்திரக் கட்சியாகும். பின்னர் ஐக்கிய தேசியக் கட்சி (UNP) மீண்டும் இஸ்ரேலை வரவழைத்தபோதும், அக்கட்சியுடன் இணைந்திருந்த ரவூப் ஹக்கீம் அதனை எதிர்க்கவில்லை. அதனைத் தொடர்ந்து மஹிந்த ராஜபக்ஷவின் ஆட்சியில் இஸ்ரேல் எதிர்க்கப்பட்டு பலஸ்தீனத்திற்குப் பூரண ஆதரவு வழங்கப்பட்டது. அதன் நினைவாகவே பலஸ்தீனில் மஹிந்த ராஜபக்ஷவின் பெயரில் வீதியொன்று அமைக்கப்பட்டுள்ளது.

எனினும், பின்னர் மைத்திரிபால சிறிசேன மற்றும் ரணில் விக்ரமசிங்க ஆகியோரின் நல்லாட்சி அரசாங்கம் உருவாக்கப்பட்டு இஸ்ரேலுக்கு மீண்டும் ஆதரவளிக்கப்பட்ட சந்தர்ப்பத்திலும், நாட்டில் யுத்தம் நடைபெற்ற காலப்பகுதியில் இஸ்ரேலிடமிருந்து ஆயுதங்கள் கொள்வனவு செய்யப்பட்டபோதும் அமைச்சரவையிலிருந்த ஹக்கீம் எவ்வித எதிர்ப்பையும் வெளியிடாமல் மௌனம் காத்தார். தற்போது அமைச்சுப் பதவிகளோ சலுகைகளோ இல்லாத காரணத்தினால் மாத்திரமே அவர் இவ்விவகாரத்தைக் கையிலெடுத்துள்ளார்.

இஸ்ரேலிய ட்ரோன்கள் ஊடாக ஈரானைக் கண்காணிக்க முடியும் என ரவூப் ஹக்கீம் குறிப்பிடுவது யதார்த்தத்திற்குப் புறம்பானதாகும். அமெரிக்கா போன்ற வல்லரசுகளே திணறிக்கொண்டிருக்கும் நிலையில், இலங்கையிலிருந்து கொண்டு இஸ்ரேலினால் ஈரானுக்கு எதிராக அவ்வளவு இலகுவாகச் செயற்பட முடியாது என்பதைப் புரிந்துகொள்ள வேண்டும்.

ஆகவே, இவ்வாறான அடிப்படையற்ற விமர்சனங்களை முன்வைப்பதை விடுத்து, ரவூப் ஹக்கீம் நாடாளுமன்ற உறுப்பினராகப் பதவி வகித்த கடந்த 30 வருட காலப்பகுதியில் இலங்கை முஸ்லிம் சமூகத்திற்குப் பெற்றுக்கொடுத்த உரிமைகள் என்ன என்பதை நாடாளுமன்றத்தில் பகிரங்கமாகத் தெரிவிக்க வேண்டும் என இலங்கை உலமா கட்சியின் தலைவர் முபாறக் அப்துல் மஜீத் தனது அறிக்கையில் மேலும் வலியுறுத்தியுள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

115 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

122 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

132 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

134 0 0