மீண்டும் சர்வதேச கிரிக்கெட் பேரவையின் தலைவரானார் ஜே ஷா!
சர்வதேச கிரிக்கெட் பேரவையின் (ICC) தலைவர் பதவிக்கு ஜே ஷா இரண்டாவது முறையாகவும் போட்டியின்றித் தெரிவு செய்யப்பட்டுள்ளார்.
இந்தோனேசியாவின் பாலி நகரில் நடைபெற்ற ஐசிசி பணிப்பாளர் சபை மற்றும் குழுக் கூட்டங்களில் முன்வைக்கப்பட்ட பிரேரணைக்கு அமைய இந்த நியமனம் இடம்பெற்றுள்ளதாக ஐசிசி உத்தியோகபூர்வமாக அறிவித்துள்ளது.
ஜே ஷாவின் தலைமைத்துவத்தின் மீது பணிப்பாளர் சபை கொண்டுள்ள நம்பிக்கையை இந்தத் தீர்மானம் பிரதிபலிப்பதாகவும் தெரிவிக்கப்பட்டுள்ளது.
மீண்டும் தெரிவு செய்யப்பட்டமை தொடர்பில் கருத்துத் தெரிவித்த ஜே ஷா, தம்மீது நம்பிக்கை வைத்த ஐசிசி பணிப்பாளர் சபைக்கு நன்றி தெரிவித்துள்ளார்.
மேலும், 2028ஆம் ஆண்டு லொஸ் ஏஞ்சல்ஸில் நடைபெறவுள்ள ஒலிம்பிக் போட்டிகளில் கிரிக்கெட் மீண்டும் இடம்பெறுவது, உலகளாவிய ரீதியில் புதிய ரசிகர்களைக் கவர்வதற்கான முக்கிய வாய்ப்பாக அமையும் எனவும் அவர் குறிப்பிட்டுள்ளார்.


