உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

முச்சக்கர வாகன ஓட்டுநர்களின் வாழ்வாதாரப் பிரச்சினைகளை அரசாங்கம் கண்டுகொள்ளவில்லை!

இலங்கை செய்திகள் 1 வாரம் முன்
111 பார்வைகள்

தேசிய ஆட்டோ ஓட்டுநர்கள் சங்கத்தின் பிரதான செயலாளர் எல். ரோஹண பெரேரா அவர்கள் கொழும்பில் ஊடக சந்திப்பொன்றை நடத்தி அரசாங்கத்திற்கு கடும் கண்டனம் தெரிவித்துள்ளார்.

தற்போதைய அரசாங்கத்தின் ஜனாதிபதி அவர்களால் சமர்ப்பிக்கப்பட்ட மூன்றாவது வரவு-செலவுத் திட்டத்திலும் நாட்டின் பல இலட்சக்கணக்கான மூன்று சக்கர வாகன ஓட்டுநர்கள் மற்றும் அவர்களது குடும்பங்களின் வாழ்வாதாரத்தை மேம்படுத்தும் வகையிலான எந்தவொரு நிவாரணமும் அல்லது திட்டமும் அறிவிக்கப்படவில்லை என அவர் குற்றம் சாட்டியுள்ளார்.

மூன்று சக்கர வாகனத் துறையை நம்பி வாகன பழுதுபார்த்தல் கடை உரிமையாளர்கள், உதிரிபாக விற்பனையாளர்கள், குத்தகை நிறுவனங்கள் மற்றும் சேவையாளர்கள் என நாட்டின் மக்கள் தொகையில் நான்கில் ஒரு பகுதியினர் வாழ்ந்து வருவதாகவும், ஆனால் இவர்களின் பிரச்சினைகளுக்கு இதுவரை எந்தவித தீர்வும் வழங்கப்படவில்லை எனவும் அவர் சுட்டிக்காட்டியுள்ளார்.

இலங்கையில் மூன்று சக்கர வாகனங்களின் விலை பெருமளவில் உயர்த்தப்பட்டுள்ள நிலையில், சாதாரண பெட்ரோல் மூன்று சக்கர வாகனத்தின் விலை முன்னர் 9,35,000 ரூபாவாக இருந்த நிலை மாறி, தற்போது அது 20,89,000 ரூபாவிற்கு மேல் அதிகரிக்கப்பட்டுள்ளதுடன், மின்சார மூன்று சக்கர வாகனங்களின் விலையும் 23,50,000 ரூபாவிற்கும் அதிகமாக விற்கப்படுவதாக அவர் தெரிவித்தார்.

பெருமளவு வறுமையிலும் சிரமத்திலும் உழன்று கொண்டிருக்கும் மூன்று சக்கர வாகன ஓட்டுநர்களின் வாகனக் கட்டணங்களைக் குறைக்கவும், உதிரிபாகங்கள் மற்றும் சேவைத்துறைகளில் நிவாரணம் வழங்கவும் அரசாங்கம் உரிய கவனம் செலுத்தும் என எதிர்பார்க்கப்பட்ட போதிலும், அது எட்டப்படவில்லை என அவர் குறிப்பிட்டார்.

நாட்டின் மொத்த மக்கள் தொகையில் நான்கில் ஒரு பகுதியினரின் வாழ்வாதாரத்தைப் பாதிக்கக்கூடிய இந்தத் துறை குறித்து அரசாங்கம் உடனடியாக ஆக்கபூர்வமான நடவடிக்கைகளை எடுக்காவிட்டால், எதிர்காலத்தில் கடுமையான தொழிற்சங்க நடவடிக்கைகளில் ஈடுபட நேரிடும் என்றும் அவர் கடுமையாக எச்சரித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

119 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

125 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

132 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

134 0 0