ஆப்கானிஸ்தான் பிரீமியர் லீக்கில் இலங்கை வீரர்களுக்கு வாய்ப்பு
ஆப்கானிஸ்தான் பிரீமியர் லீக் (APL) கிரிக்கெட் தொடருக்கான அணிப் பட்டியல்களில் நான்கு இலங்கை வீரர்கள் இடம்பிடித்துள்ளனர்.
இதன்படி, இலங்கை அணியின் முன்னணி சுழற்பந்து வீச்சாளர் வனிந்து ஹசரங்க, பிளாட்டினம் பிரிவில் பக்தியா அணிக்குத் தெரிவு செய்யப்பட்டுள்ளார்.
சகலதுறை ஆட்டக்காரர் கமிந்து மெண்டிஸ், கோல்ட் பிரிவில் நங்கர்ஹார் கொஸ்மிக் அணியிலும், அனுபவமிக்க விக்கெட் காப்பாளர் மற்றும் துடுப்பாட்ட வீரர் குசல் பெரேரா, கோல்ட் பிரிவில் கந்தஹார் வொரியர்ஸ் அணியிலும் இடம்பிடித்துள்ளனர்.
அதேவேளை, வேகப்பந்து வீச்சாளர் துஷ்மந்த சமீர, டயமண்ட் பிரிவில் அக்செல் யுனைடெட் காபூல் அணிக்குத் தெரிவு செய்யப்பட்டுள்ளார்.
இலங்கை வீரர்கள் மற்றும் அவர்கள் இடம்பெற்றுள்ள அணிகளின் விபரங்கள் வருமாறு:
இந்தத் தொடரில் எக்செல் யுனைடெட் காபூல், கந்தஹார் வொரியர்ஸ், நங்கர்ஹார் கொஸ்மிக், பால்க் அணி மற்றும் பக்தியா அணி என ஐந்து அணிகள் பங்கேற்கவுள்ளன.
மேலும், ஆப்கானிஸ்தான் அணியின் நட்சத்திர வீரர் ரஷித் கான், மொஹமட் அமீர், அலெக்ஸ் ஹேல்ஸ், மொயின் அலி மற்றும் கொலின் மன்ரோ உள்ளிட்ட பல சர்வதேச கிரிக்கெட் நட்சத்திரங்களும் அணிப் பட்டியல்களில் இடம்பெற்றுள்ளனர்.


