மன்னார் பிரதேச செயலாளர் பிரிவில் பல வருடங்களாக தமது காணிகளுக்கு உறுதிப்பத்திரங்கள் இல்லாத நிலையில் வாழ்ந்து வந்த 65 குடும்பங்களுக்கு இன்றையதினம் புதன்கிழமை (28) மன்னார் மாவட்டச் செயலகத்தில் வைத்து காணி உறுதிப்பத்திரங்கள் வைபவ ரீதியாக வழங்கி வைக்கப்பட்டுள்ளது.
‘வளமான நாடு அழகான வாழ்க்கை’ எனும் தொனிப்பொருளில் காணி சீர்திருத்த ஆணைக்குழுவின் ஏற்பாட்டில் இடம்பெற்றது.
இதன்போது மன்னார் மாவட்டத்தில் பல வருடங்களாக தமது காணிகளுக்கான ஆவணங்கள் இல்லாத நிலையில் காணப்பட்ட மன்னார் பிரதேச செயலாளர் பிரிவில் வசித்து வந்த 65 குடும்பங்களுக்கு காணி உறுதிகள் வழங்கி வைக்கப்பட்டது.
பிரதி அமைச்சர் உபாலி சமரசிங்க, நாடாளுமன்ற உறுப்பினர்களாக காதர் மஸ்தான், ஜெகதீஸ்வரன் ஆகியோர் இணைந்து வழங்கி வைத்தனர்.
இதன்போது மன்னார் மாவட்ட அரசாங்க அதிபர், மன்னார் நகர சபையின் தவிசாளர், மன்னார் பிரதேச சபையின் தவிசாளர் ஆகியோர் இணைந்து குறித்த பத்திரங்களை மக்களுக்கு வழங்கி வைத்தனர்.
