பருவ மழை ஆரம்பித்துள்ள நிலையில் தற்காலிக வீடுகளில் வசிப்போரின் நிலை கவலைக்கிடம்!
கிளிநொச்சி மாவட்டத்தில் சுமார் 17 ஆண்டுகளாக தற்காலிக வீடுகளில் சொல்லனாத் துன்பங்களை எதிர்கொண்டும் கடந்த ஆண்டு ஏற்பட்ட டித்வா புயலால் பாதிக்கப்பட்டுமுள்ள குடும்பங்கள் டித்வா வீட்டுத்திட்டத்தில் புறக்கணிக்கப்பட்டுள்ளதால் தற்போது ஆரம்பித்துள்ள பருவ மழையிலும் பெரும் கஸ்ரங்களை எதிர்நோக்கியுள்ளன.
கிளிநொச்சி மாவட்டத்தில்கடந்த ஆண்டு ஏற்பட்ட டித்வா புயலால் பாதிக்கப்பட்டவர்களுக்கு கிடைக்கப்பெற்ற ஐம்பது இலட்சம் ரூபா பெறுமதியான வீட்டு திட்ட பயனாளிகள் தெரிவில் ஏற்கனவே பல்வேறு திட்டங்களின் ஊடாக நிரந்தர வீடுகளைப் பெற்று முழுமைப்படுத்தியவர்களுக்கும் டித்வா பாதிப்புக்களை எதிர் கொள்ளாதவர்கள் நிரந்தர வீடுகளில் வசித்தவர்கள் வீட்டு திட்டங்கள் வழங்கப்பட்டுள்ளன.
கிராம அலுவலர்களின் இவ்வாறான முறைகேடுகளால் அதிகளவான குடும்பங்கள் பாதிக்கப்பட்டுள்ளதுடன் தற்காலிக வீடுகளில் வாழ்வோரும் பெரும் நெருக்கடிகளை எதிர்நோக்கி வருகின்றனர்
கடந்த 2010ஆம் ஆண்டு மீள் குடியேற்றத்தில் இருந்து இன்றுவரை வீட்டுத் திட்டங்கள் எதனையும் பெற்றுக் கொள்ளாத பாதிக்கப்பட்ட அதிகளவான குடும்பங்கள் சுமார் 17 ஆண்டுகளாக தற்காலிக வீடுகளில் சொல்லனாத் துன்பங்களை எதிர்கொண்டும் கடந்த ஆண்டு ஏற்பட்ட டித்வா புயலால் பாதிக்கப்பட்டும் டித்வா வீட்டுத்திட்டத்தில் புறக்கணிக்கப்பட்டுள்ளதால் தற்போது ஆரம்பித்துள்ள பருவ மழையிலும் பெரும் கஸ்ரங்களை எதிர்நோக்கியுள்ளன.
கிளிநொச்சி மாவட்டத்தின் பரந்தன் கோரக்கன் கட்டு புளியம்பொக்கணை ஆனைவிழுந்தான் மற்றும் ஆனந்தபுரம் கிராம அலுவலர் பிரிவுகளில் இதுவரை நிரந்தர வீட்டு திட்டங்கள் எதனையும் பெற்றுக் கொள்ளாத பெருமளவான குடும்பங்கள் உறவினர் – நண்பர்கள் வீடுகளிலும் தற்காலிக வீடுகளிலும் நீண்ட காலமாக வாழ்ந்து வருகின்றன.
இவர்களுக்கான வீட்டுத்திட்டங்களை வழங்காது குறித்த பகுதியில் ஏற்கனவே நிரந்தர வீட்டு திட்டங்களை பெற்றுக் கொண்டு அதனை முழுமைப்படுத்தி அதில் குடியிருந்து வரும் குடும்பங்கள் தனிநபர்கள் முதியோர் தெரிவு செய்யப்பட்டு அவர்களுக்கு முறைகேடான விதத்திலே வீட்டு திட்டங்கள் வழங்கப்பட்டிருக்கின்றன.






