நன்றி மறந்தாரா அஜித் – திட்டித்தீர்க்கும் ரசிகர்கள்

தமிழ் ரசிகர்களால் ‘தேனிசைத் தென்றல்’ எனக் கொண்டாடப்படும் இசையமைப்பாளர் தேவா, தனது 75ஆவது வயதில் மாரடைப்பால் காலமானார்.

தமிழ், தெலுங்கு, மலையாளம், கன்னடம் உள்ளிட்ட மொழிகளில் பல திரைப்படங்களுக்கு இசையமைத்துள்ள அவர், ‘அண்ணாமலை’, ‘பாட்ஷா’, ‘ஆசை’, ‘நேருக்கு நேர்’ உள்ளிட்ட 400க்கும் மேற்பட்ட திரைப்படங்களில் பணியாற்றியுள்ளார்.

ரஜினிகாந்த், கமல்ஹாசன், விஜய், அஜித் குமார் உள்ளிட்ட முன்னணி நடிகர்களின் திரைப்படங்களுக்கு வெற்றிப் பாடல்களை வழங்கிய தேவா, குறிப்பாக அஜித்தின் ஆரம்பகாலத் திரைப்படங்களின் இசை வெற்றியில் முக்கிய பங்களிப்பை வழங்கியிருந்தார்.

‘வான்மதி’, ‘ஆசை’, ‘காதல் கோட்டை’, ‘முகவரி’, ‘வாலி’, ‘சிட்டிசன்’, ‘ரெட்’, ‘ஆனந்த பூங்காற்றே’ உள்ளிட்ட அஜித் நடித்த பல திரைப்படங்களுக்கு தேவா இசையமைத்துள்ளார்.

இந்நிலையில், தேவாவின் மறைவு தொடர்பில் அஜித் குமார் இதுவரை பொதுவெளியில் இரங்கல் செய்தி வெளியிடவில்லை எனக் கூறி, ரசிகர்கள் சிலர் சமூக வலைதளங்களில் கேள்விகளை எழுப்பியுள்ளனர்.

அஜித்தின் திரைப்படங்களின் வெற்றிப் பாடல்களில் தேவா ஆற்றிய பங்களிப்பைச் சுட்டிக்காட்டும் ரசிகர்கள், தனது திரைப்பயணத்தின் ஆரம்பகாலத்தில் முக்கிய பங்காற்றிய இசையமைப்பாளரின் மறைவுக்கு அஜித் இரங்கல் தெரிவித்திருக்க வேண்டும் எனத் தங்களது ஆதங்கத்தை வெளிப்படுத்தி வருகின்றனர்.