இயக்குநர் நெல்சன் திலீப்குமார் இயக்கத்தில் ரஜினிகாந்த் நடிப்பில் வெளியாகியுள்ள ‘ஜெயிலர் 2’ திரைப்படத்தில் சிறப்புத் தோற்றத்தில் (Cameo) நடித்துள்ள பொலிவுட் நடிகர் ஹிருத்திக் ரோஷனுக்கு ரூ.25 கோடி(INR) வரை சம்பளம் வழங்கப்பட்டுள்ளதாகத் இந்திய ஊடகங்கள் செய்தி வெளியிட்டுள்ளன.
பெரும் வரவேற்பை பெற்றுள்ள இந்த திரைப்படத்தில் மோகன்லால், சிவராஜ்குமார், எஸ்.ஜே.சூர்யா, விஜய் சேதுபதி உள்ளிட்ட பல முன்னணி நட்சத்திரங்கள் இணைந்து நடித்துள்ளனர்.
இந்த திரைப்படத்தில் ஹிருத்திக் ரோஷன் சுமார் 5 முதல் 7 நிமிடங்கள் மட்டுமே வரும் காட்சிகளில் தோன்றுவதாகக் கூறப்படும் நிலையில், இந்தச் சிறிய கதாபாத்திரத்தில் நடிப்பதற்காக அவருக்கு இவ்வளவு பெரிய தொகை சம்பளமாக வழங்கப்பட்டுள்ளமை சினிமா வட்டாரத்தில் பேசுபொருளாகியுள்ளது.
முன்னதாக கடந்த 1986ஆம் ஆண்டு வெளியான ‘பகவான் தாதா’ என்ற இந்திப் திரைப்படத்தில் ரஜினிகாந்துடன் குழந்தை நட்சத்திரமாக நடித்திருந்த ஹிருத்திக் ரோஷன், தற்போது பல ஆண்டுகளுக்குப் பிறகு ‘ஜெயிலர் 2’ படத்தின் மூலம் மீண்டும் ரஜினியுடன் இணைந்துள்ளமை குறிப்பிடத்தக்கது.
