அதிக மழைவீழ்ச்சி காரணமாக, அம்பேவெல நீர்த்தேக்கத்தின் இரு வான் கதவுகளும் 8 அங்குலம் (240.88 கன அடி) வரை திறக்கப்பட்டுள்ளன என நுவரெலியா பேரிடர் மேலாண்மை மையம் அறிவித்துள்ளது.
இந்த வழிந்தோடும் கதவுகள் திறக்கப்பட்டதால், ஆக்ரா ஓயாவின் நீர்மட்டம் அதிகரித்து, டயகம, லிந்துல, அக்கரபத்தனை மற்றும் தலவகலை வழியாக மேல் கொத்தமலை நீர்த்தேக்கத்திற்குள் பாய்ந்து கொண்டிருக்கிறது.
எனவே, ஓயாவின் இருபுறமும் உள்ள தாழ்வான பகுதிகளில் வசிக்கும் மக்கள் விழிப்புடன் இருக்குமாறு நுவரெலியா மாவட்ட அரசாங்க அதிபர் திருமதி துஷாரி தென்னகோன் மற்றும் நுவரெலியா மாவட்ட அனர்த்த முகாமைத்துவ மத்திய நிலையம் அறிவித்துள்ளது.
மேலும் நுவரெலியா மாவட்டத்தில் பல்வேறு பகுதிகளில் இன்று மாலை முதல் கன மழை பெய்து வருவதால் நீர் ஏந்து பகுதியில் அமைந்துள்ள அனைத்து நீர் தேக்கங்களின் நீர் மட்டம் அதன் கொள்ளளவை எட்டியுள்ளன.
கென்யோன் புரோட்லேன்ட் லக்சபான பொல்பிட்டிய நவலக்சபான கலுகல விமலசுரேந்திர மேல் கொத்மலை ஆகிய நீர் தேக்கங்களின் நீர் வான் கதவுகள் வழியாக வெளியேறுகிறது
காசல்ரீ நீர்த்தேக்கத்தின் நீர் மட்டம் அதன் கொள்ளளவை எட்டியதால் எந்த நேரத்திலும் நீர் தானாகவே வெளியேறும் வாய்ப்பு உள்ளது
மேலும் மவுஸ்சாகலை நீர் தேக்கத்தின் நீர் மட்டம் அதன் கொள்ளளவை விட இன்னும் 4 அடி நிறைய வேண்டிய நிலையில் உள்ளது.
தாழ் நில பகுதியில் உள்ள அனைத்து மக்களும் மிகவும் அவதானமாக இருக்குமாறு நுவரெலியா மாவட்ட அனர்த்த முகாமைத்துவ மத்திய நிலையம் வேண்டுகோள் விடுத்துள்ளனர்.
