அரசைப் பயங்கரவாதத்திலிருந்து பாதுகாக்கும் சட்டமூலம்; மக்கள் போராட்ட முன்னணி உயர்நீதிமன்றில் சீராய்வு மனு.!
அரசால் முன்மொழியப்பட்டுள்ள அரசைப் பயங்கரவாதத்திலிருந்து பாதுகாக்கும் சட்டமூலத்துக்கு எதிராக மக்கள் போராட்ட முன்னணி உயர்நீதிமன்றத்தில் இன்று சீராய்வு மனுவொன்றைத் தாக்கல் செய்துள்ளது.
அரசமைப்பின் 120ஆம் உறுப்புரையுடன் சேர்த்து வாசிக்கப்படும் 121(1) ஆம் உறுப்புரைக்கு அமைய இந்தச் சவால் மனு உயர்நீதிமன்றத்தில் சமர்ப்பிக்கப்பட்டுள்ளது.
மக்கள் போராட்ட முன்னணியின் சார்பில் தர்மசிறி லங்காபேலி, புபுது ஜயகொட, வேதிலிங்கம் மகேந்திரன், மரிசா டி சில்வா, ராஜ்குமார் ரஜீவ்காந்த், வசந்த முதலிகே, தயாபால திராணகம மற்றும் டபிள்யூ. வீரசிங்கம் ஆகியோர் இணைந்து இந்த மனுவைத் தாக்கல் செய்துள்ளனர்.
இந்த மனுவில் பிரதிவாதியாகச் சட்டமா அதிபர் பெயரிடப்பட்டுள்ளமை குறிப்பிடத்தக்கது.


